ವಿಭಜನೆಯ ವಿವಾದಗಳು ಹಿಂದೂ ಅವಿಭಜಿತ ಕುಟುಂಬದ ಆಸ್ತಿಯನ್ನು ಹಿಂದೂ ಉತ್ತರಾಧಿಕಾರದ ಕಾನೂನಿನ ಪ್ರಕಾರ, ಅಂದರೆ, ಹಿಂದೂ ಉತ್ತರಾಧಿಕಾರ ಕಾಯಿದೆ 1956 ರ ಪ್ರಕಾರ ವಿಭಜಿಸುವ ವಿವಾದಗಳನ್ನು ಉಲ್ಲೇಖಿಸುತ್ತವೆ.
ಆಸ್ತಿ ವಿಭಜನೆಯ ಬಗ್ಗೆ ವಿವಾದಗಳನ್ನು ಪರಿಹರಿಸಲು ಎರಡು ಮಾರ್ಗಗಳಿವೆ: ಕುಟುಂಬ ವಸಾಹತು ಒಪ್ಪಂದ ಮತ್ತು ವಿಭಜನಾ ಮೊಕದ್ದಮೆ.
ಕುಟುಂಬ ವಸಾಹತು ಒಪ್ಪಂದ
ಕೌಟುಂಬಿಕ ವಸಾಹತು-ಕುಟುಂಬ ಸದಸ್ಯರ ಪರಸ್ಪರ ತಿಳುವಳಿಕೆಯ ಮೂಲಕ ಕುಟುಂಬದ ಆಸ್ತಿಯನ್ನು ವಿಭಜಿಸುವ ಒಪ್ಪಂದವಾಗಿದ್ದು, ಸಾಮಾನ್ಯವಾಗಿ ನ್ಯಾಯಾಲಯದ ಕದನಗಳನ್ನು ತಪ್ಪಿಸಲು ಈ ವಸಾಹತು ಒಪ್ಪಂದವನ್ನು ಮಾಡಲಾಗುತ್ತದೆ. ಇದು ವಿಭಜನಾ ಪತ್ರದ ಸ್ವರೂಪವನ್ನು ಅನುಸರಿಸುತ್ತದೆ. ಕುಟುಂಬ ವಸಾಹತು ಒಪ್ಪಂದವನ್ನು ನೋಂದಾಯಿಸುವುದು ಮತ್ತು ಮುದ್ರೆ ಹಾಕುವುದು ಕಡ್ಡಾಯವಲ್ಲ. ಆದರೆ, ಎಲ್ಲಾ ಕುಟುಂಬ ಸದಸ್ಯರು ಸ್ವಯಂಪ್ರೇರಣೆಯಿಂದ ಸಹಿ ಮಾಡಬೇಕು, ಅಂದರೆ, ಯಾವುದೇ ವಂಚನೆ ಅಥವಾ ಬಲವಂತ ಅಥವಾ ಯಾವುದೇ ಕುಟುಂಬದ ಸದಸ್ಯರು ಅಥವಾ ಯಾರೊಬ್ಬರಿಂದ ಅನಗತ್ಯ ಒತ್ತಡವಿಲ್ಲದೆ ನೆಡೆಯಬೇಕು.
ವಿಭಜನಾ ದಾವೆ
ವಿಭಜನಾ ದಾವೆ – ಆಸ್ತಿಯನ್ನು ವಿಭಜಿಸುವ ನಿಯಮಗಳು ಮತ್ತು ಷರತ್ತುಗಳನ್ನು ಕುಟುಂಬ ಸದಸ್ಯರು ಒಪ್ಪಲು ಸಾಧ್ಯವಾಗದಿದ್ದಾಗ, ನ್ಯಾಯಾಲಯದಲ್ಲಿ ಆಸ್ತಿಯ ವಿಭಜನೆಗೆ ಹೂಡುವ ಮೊಕದ್ದಮೆ.ಅಂತಹ ಸಂದರ್ಭಗಳಲ್ಲಿ, ಕುಟುಂಬದ ಸದಸ್ಯರು ಸಾಮಾನ್ಯವಾಗಿ ಆಸ್ತಿಯನ್ನು ತಮ್ಮ ಪಾಲುಗಳ ಪ್ರಕಾರ ಭಾಗಿಸಲು ಬಯಸುತ್ತಾರೆ. ಇದರ ಮೊದಲ ಹಂತವಾಗಿ, ಕುಟುಂಬದ ಆಸ್ತಿ ವಿಭಜನೆ ಬಗ್ಗೆ ಕಾನೂನು ನೋಟಿಸ್ ಅನ್ನು ರಚಿಸಿ ಮತ್ತು ಆಸ್ತಿಯ ಇತರ ಕಾನೂನು ಉತ್ತರಾಧಿಕಾರಿಗಳಿಗೆ ಕಳುಹಿಸಿ.
ಭಾರತದಲ್ಲಿ ಆಸ್ತಿ ಅಥವಾ ಭೂ ನೋಂದಣಿಯು ಇವುಗಳನ್ನು ಒಳಗೊಂಡಿರುತ್ತದೆ((ಸೆಕ್ಷನ್ 17,ನೋಂದಣಿ ಕಾಯಿದೆ,, 1908)):
- ಮುದ್ರಾಂಕ ಶುಲ್ಕವನ್ನು ಮತ್ತು ಮಾರಾಟ ಪತ್ರಕ್ಕಾಗಿ ನೋಂದಣಿ ಶುಲ್ಕ ಪಾವತಿಸುವುದು, ಮತ್ತು
- ಆಸ್ತಿ ಇರುವ ಪ್ರದೇಶದ ಉಪ-ನೋಂದಣಾಧಿಕಾರಿಯ ಬಳಿ, ಕಾನೂನುಬದ್ಧವಾಗಿ ದಾಖಲೆಗಳನ್ನು ದಾಖಲಿಸುವುದು. ನೋಂದಣಿ ಸಮಯದಲ್ಲಿ, ಮಾರಾಟಗಾರ ಮತ್ತು ಖರೀದಿದಾರರ ಅಧಿಕೃತ ಸಹಿದಾರರು, ಇಬ್ಬರು ಸಾಕ್ಷಿಗಳೊಂದಿಗೆ ಹಾಜರಿರಬೇಕು.
ಆಸ್ತಿ ಇರುವ ಪ್ರದೇಶವನ್ನು ಅವಲಂಬಿಸಿ ಮುದ್ರಾಂಕ ಶುಲ್ಕವು ಬದಲಾಗುತ್ತದೆ. ಉದಾಹರಣೆಗೆ: ಮುಂಬೈನಲ್ಲಿ, ಮುದ್ರಾಂಕ ಶುಲ್ಕವು ಒಟ್ಟು ಆಸ್ತಿ ಮೌಲ್ಯದ 5% ಆಗಿದೆ, ಇದರಲ್ಲಿ 1% ಮೆಟ್ರೋ ಸೆಸ್. ಕರ್ನಾಟಕದಲ್ಲಿ ಮುದ್ರಾಂಕ ಶುಲ್ಕದ ಬಗ್ಗೆ ತಿಳಿಯಲು ಇಲ್ಲಿ ಓದಿ . ಸಾಮಾನ್ಯವಾಗಿ, ಮಾರಾಟಗಾರನು ಸ್ಥಿರ ಆಸ್ತಿಯ ವರ್ಗಾವಣೆಯ ನೋಂದಣಿಗೆ ಜವಾಬ್ದಾರನಾಗಿರುತ್ತಾನೆ ಮತ್ತು ಮುದ್ರಾಂಕ ಶುಲ್ಕದ ಪಾವತಿಗೆ ಖರೀದಿದಾರನು ಜವಾಬ್ದಾರನಾಗಿರುತ್ತಾನೆ.
ಇಂದು, ಹೆಚ್ಚಿನ ರಾಜ್ಯಗಳು ಆಸ್ತಿ ನೋಂದಣಿ ಮತ್ತು ಮುದ್ರಾಂಕ ಶುಲ್ಕ ಮತ್ತು ನೋಂದಣಿ ಶುಲ್ಕದ ಪಾವತಿಗಾಗಿ ತಮ್ಮದೇ ಆದ ವೆಬ್ ಪೋರ್ಟಲ್ಗಳನ್ನು ಹೊಂದಿವೆ. ಆದಾಗ್ಯೂ, ಆನ್‌ಲೈನ್ ಪ್ರಕ್ರಿಯೆಯು ಪೂರ್ಣಗೊಂಡ ನಂತರ ಖರೀದಿದಾರರು ದಾಖಲೆಗಳೊಂದಿಗೆ ಉಪ-ರಿಜಿಸ್ಟ್ರಾರ್ ಕಚೇರಿಗೆ ಭೌತಿಕವಾಗಿ ಭೇಟಿ ನೀಡುವ ಅಗತ್ಯವಿದೆ. ಅಲ್ಲದೆ, ಜನ ಸ್ನೇಹಿ ಮತ್ತು ಈ ಪೋರ್ಟಲ್‌ಗಳಿಂದ ಒಬ್ಬರು ಪಡೆಯಬಹುದಾದ ಸೇವೆಗಳ ಸಂಖ್ಯೆಯು ರಾಜ್ಯದಿಂದ ರಾಜ್ಯಕ್ಕೆ ಬದಲಾಗುತ್ತದೆ. ಉದಾಹರಣೆಗೆ: ದೆಹಲಿ ಸರ್ಕಾರವು ಅನೇಕ ಪೋರ್ಟಲ್ಗಳನ್ನು ಹೊಂದಿದ್ದು, ಒಬ್ಬ ವ್ಯಕ್ತಿಯು ನೋಂದಣಿ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಲು ಹೋಗಬೇಕಾಗುತ್ತದೆ, ಆದರೆ ಶೀಘ್ರದಲ್ಲೇ ಏಕ ಗವಾಕ್ಷಿ ಪೋರ್ಟಲ್ ಅನ್ನು ಪರಿಚಯಿಸುವ ಯೋಜನೆ ಇದೆ.
ಸಾಮಾನ್ಯವಾಗಿ, ಮನೆ/ಫ್ಲಾಟ್ ಬಾಡಿಗೆಗೆ ಸಂಬಂಧಿಸಿದಂತೆ ಒಪ್ಪಂದವನ್ನು ಮಾಡಿಕೊಳ್ಳುವಾಗ ವಿಧಿಬದ್ಧ ಪ್ರಕ್ರಿಯೆಗಳನ್ನು ಸೂಕ್ತವಾಗಿ ಅನುಸರಿಸುವುದಿಲ್ಲ.
ಆದರೆ, ಈ ವ್ಯವಹಾರವು ಒಂದು ಕರಾರಿನ ಸ್ವರೂಪದ್ದಾಗಿದ್ದು, ಹಣ ಮತ್ತು ಆಸ್ತಿಯ ಪರಸ್ಪರ ವಿನಿಮಯವನ್ನು ಒಳಗೊಂಡಿರುತ್ತದೆ. ಹೀಗಾಗಿ, ಮನೆ ಬಾಡಿಗೆ ಪಡೆಯುವಾಗ ಈ ಕೆಳಕಂಡ ಅಂಶಗಳನ್ನು ತಿಳಿದಿರುವುದು ಸೂಕ್ತ.
ಮಾಲೀಕರು/ಪರವಾನಗಿ ನೀಡುವವರು ಮತ್ತು ಬಾಡಿಗೆದಾರರು/ಪರವಾನಗಿ ಪಡೆಯವವರ ನಡುವಣ ಸಂಬಂಧ ಕರಾರಿನ ಸ್ವರೂಪದ್ದಾಗಿರುತ್ತದೆ. ಎಂದರೆ, ನಿಮ್ಮಗಳ ನಡುವಿನ ಕಾನೂನು ಸಂಬಂಧವು ಉಭಯತ್ರರು ನಿರ್ಧರಿಸಿಕೊಂಡ ಷರತ್ತುಗಳ ಮೇಲೆ ಅವಲಂಬಿತವಾಗಿರುತ್ತದೆ.
ಆದರೆ
ನೀವು ಬಾಡಿಗೆ/ಭೋಗ್ಯದ ಒಪ್ಪಂದವನ್ನು ಹೊಂದಿದವರಾಗಿದ್ದರೆ, ನಿಮಗೆ ಕಾನೂನಿನ ಅಡಿಯಲ್ಲಿ ಕೆಲವು ರಕ್ಷಣೆಗಳು ದೊರೆಯುತ್ತವೆ.
ಆದರೆ, ಈ ರಕ್ಷಣೆಗಳು ಅನುಮತಿ ಮತ್ತು ಪರವಾನಗಿ ಒಪ್ಪಂದಗಳಲ್ಲಿ ಅನ್ವಯಿಸುವುದಿಲ್ಲ.
ಈ ವ್ಯತ್ಯಾಸದ ಹೊರತಾಗಿಯೂ ಉಭಯತ್ರರು ಷರತ್ತುಗಳನ್ನು ನಿರ್ಧರಿಸಿ ತಮ್ಮ ನಡುವೆ ಸ್ಪಷ್ಟ ಸಂಬಂಧವನ್ನು ಸ್ಥಾಪಿಸುವ ತತ್ವ ಎರಡೂ ರೀತಿಯ ಒಪ್ಪಂದಗಳಿಗೆ ಅನ್ವಯವಾಗುತ್ತದೆ.
ನೀವುಗಳು ಒಪ್ಪಿರುವ ಷರತ್ತುಗಳಿಗೆ ಸಂಬಂಧಿಸಿದಂತೆ ಮತ್ತು ಯಾವುದೇ ಹಣ ಪಾವತಿಸಿರುವ ಬಗ್ಗೆ ದಾಖಲೆಗಳನ್ನು ಇಡತಕ್ಕದ್ದು.
ಇದಕ್ಕಾಗಿ:
ಒಪ್ಪಂದವನ್ನು ಲಿಖಿತ ರೂಪದಲ್ಲಿ ಹೊಂದಿರತಕ್ಕದ್ದು.
ಮೌಖಿಕವಾಗಿ ಯಾವುದೇ ವಿಚಾರವನ್ನು ಚರ್ಚಿಸಿದಲ್ಲಿ ಅದನ್ನು ಬರವಣಿಗೆ ರೂಪದಲ್ಲಿ ಕಾಗದದಲ್ಲಿ/ವಾಟ್ಸಾಪ್/ಇ-ಮೇಲ್/ಮೆಸೇಜುಗಳ (ಸಾಧ್ಯವಾದಲ್ಲಿ) ರೂಪದಲ್ಲಿ ದಾಖಲು ಮಾಡುವುದು.
ಯಾವುದೇ ಹಣ ಪಾವತಿಗೆ ಸಂಬಂಧಿಸಿದಂತೆ ರಸೀದಿಗಳನ್ನು ಇಟ್ಟುಕೊಳ್ಳುವುದು (ಸಾಧ್ಯವಾದಲ್ಲಿ).
ಅಕ್ಕಪಕ್ಕದಲ್ಲಿ ಜಮೀನು ಹೊಂದಿರುವ ಮಾಲೀಕರ ನಡುವೆ ನಿವೇಶನಗಳ ಅಳತೆಯ ಬಗ್ಗೆ ತಕರಾರು ಇದ್ದಲ್ಲಿ, ಜಂಟಿ ಸರ್ವೆ ನಡೆಸಲು ಸರ್ಕಾರಿ ಸರ್ವೇಯರ್‌ನಿಂದ ನೆರವು ಪಡೆದು ಪರಿಹರಿಸಿಕೊಳ್ಳಬಹುದು. ಅಂತಹ ವಿವಾದವನ್ನು ಇತ್ಯರ್ಥಪಡಿಸುವಾಗ ಮಾಲೀಕತ್ವದ ದಾಖಲೆಗಳು ಮತ್ತು ಕಂದಾಯ ದಾಖಲೆಗಳಲ್ಲಿನ ಮಾಹಿತಿಯನ್ನು ನೋಡಬೇಕು. ನೀವು ಅವುಗಳನ್ನು ನಿಮ್ಮ ಸ್ಥಳೀಯ ತಹಸೀಲ್ದಾರ್ ಕಚೇರಿಯಲ್ಲಿ ಅಥವಾ ಆನ್‌ಲೈನ್‌ನಲ್ಲಿ ಹಕ್ಕುಗಳ ದಾಖಲೆಯಲ್ಲಿ (RoR) ಕಾಣಬಹುದು(ನಿಮ್ಮ ರಾಜ್ಯದಲ್ಲಿ RoR ಗಳನ್ನು ಡಿಜಿಟಲೀ ಕರಣ ಮಾಡಿದ್ದರೆ. ಒಂದು ಪಕ್ಷದವರು ಮತ್ತೊಬ್ಬರ ಜಮೀನು ಒತ್ತುವರಿ ಮಾಡಿಕೊಂಡಿದ್ದರೆ ಅದನ್ನು ತೆಗೆದುಹಾಕಬೇಕು. ಉದಾಹರಣೆಗೆ, ಅಂತಹ ಅತಿಕ್ರಮಣಗಳು ಇನ್ನೊಬ್ಬರ ಆಸ್ತಿಯನ್ನು ಅತಿಕ್ರಮಿಸುವ ಬೇಲಿಯನ್ನು ನಿರ್ಮಿಸುವುದು, ಒಬ್ಬರ ಸ್ವಂತ ಆಸ್ತಿಯ ಗಡಿಯನ್ನು ಮೀರಿ ಕಟ್ಟಡವನ್ನು ವಿಸ್ತರಿಸುವುದು, ನೆರೆಹೊರೆಯವರ ಆಸ್ತಿಗೆ ಚಾಚಿಕೊಂಡಿರುವ ಗಾಯ/ಹಾನಿ ಉಂಟುಮಾಡಬಲ್ಲ ಮರದ ಕೊಂಬೆಗಳು, ಇತ್ಯಾದಿ.
ಹಾಗೆ ಮಾಡದಿದ್ದರೆ, ನೊಂದವರು ನ್ಯಾಯಾಲಯದ ಮೊರೆ ಹೋಗಬಹುದು
ಹೌದು, ಸ್ಥಿರಾಸ್ತಿಯನ್ನು ಮಹಿಳೆಯ ಹೆಸರಿನಲ್ಲಿ ನೋಂದಾಯಿಸುವುದು ಹೆಚ್ಚು ಪ್ರಯೋಜನಕಾರಿಯಾಗಿದೆ, ಏಕೆಂದರೆ ಅನೇಕ ರಾಜ್ಯಗಳು ಮತ್ತು ಬ್ಯಾಂಕುಗಳು ಆಸ್ತಿಯನ್ನು ಖರೀದಿಸುವ ಮಹಿಳೆಯರಿಗೆ ಆರ್ಥಿಕ ಪ್ರಯೋಜನಗಳನ್ನು ಪರಿಚಯಿಸಿವೆ. ಪರಿಣಾಮವಾಗಿ, ಮಹಿಳೆಯ ಹೆಸರಿನಲ್ಲಿ ಆಸ್ತಿಯನ್ನು ಖರೀದಿಸುವುದರಿಂದ ಅನೇಕ ಪ್ರಯೋಜನಗಳನ್ನು ಪಡೆಯಬಹುದು.
ಮಾಲೀಕರು/ಪರವಾನಗಿ ನೀಡುವವರು ಮತ್ತು ಬಾಡಿಗೆದಾರರು/ಪರವಾನಗಿ ಪಡೆಯುವವರ ಹಿತಾಸಕ್ತಿಗಳ ರಕ್ಷಣೆಯ ಸಲುವಾಗಿ ಉಭಯತ್ರರ ನಡುವೆ ಲಿಖಿತ ರೂಪದಲ್ಲಿ ಒಪ್ಪಂದ ಮಾಡಿಕೊಳ್ಳುವುದು ಸೂಕ್ತ. ಈ ಒಪ್ಪಂದಕ್ಕೆ ಅಂತಿಮ ರೂಪ ನೀಡುವ ಮುನ್ನ ಅದರ ಷರತ್ತುಗಳನ್ನು ಕೂಲಂಕಷವಾಗಿ ಓದಿ ಅರ್ಥೈಸಿಕೊಳ್ಳತಕ್ಕದ್ದು. ಈ ಒಪ್ಪಂದವು ಕೇವಲ ನೀವು ತೆರುವ ಬಾಡಿಗೆ ಮತ್ತು ಮುಂಗಡ ಠೇವಣಿಗೆ ಸಂಬಂಧಪಡುವುದಿಲ್ಲ. ಬಾಡಿಗೆ ಪಡೆಯುತ್ತಿರುವ ಸ್ವತ್ತಿನ ನಿರ್ವಹಣೆ, ಬಿಲ್ ಗಳ ಪಾವತಿ, ತೆರವು ಮಾಡಿಸಲು ನೀಡುವ ನೋಟೀಸ್ ಅವಧಿ ಇತ್ಯಾದಿ ಪ್ರಮುಖ ಅಂಶಗಳನ್ನು ಈ ಒಪ್ಪಂದ ಒಳಗೊಂಡಿರುತ್ತದೆ.
ನಿಮ್ಮ ಒಪ್ಪಂದದಲ್ಲಿ (ಭೋಗ್ಯ ಅಥವಾ ಅನುಮತಿ ಮತ್ತು ಪರವಾನಗಿ ಕರಾರು) ಈ ಕೆಳಕಂಡ ಅಂಶಗಳಿವೆಯೇ ಎಂದು ಖಾತರಿ ಪಡಿಸಿಕೊಳ್ಳಿ:
ಬಾಡಿಗೆದಾರರ/ಪರವಾನಗಿ ನೀಡುವವ ಮತ್ತು ಮಾಲೀಕ/ಪರವಾನಗಿ ಪಡೆಯುವವರ ಹೆಸರು
ಒಪ್ಪಂದದ ಉದ್ದೇಶ
ಒಪ್ಪಂದದ ಅವಧಿ
ಬಾಡಿಗೆ ಮೊತ್ತ
ಬಾಡಿಗೆ ಪಾವತಿ ಮಾಡಬೇಕಿರುವ ದಿನಾಂಕ
ಮುಂಗಡ ಠೇವಣಿ ಮೊತ್ತ
ನಿರ್ವಹಣಾ ವೆಚ್ಚ
ದುರಸ್ತಿ ಮಾಡಿಸುವ ಹೊಣೆಗಾರಿಕೆ
ಫರ್ನಿಚರ್ /ಫಿಟ್ಟಿಂಗ್ಸ್/ ಇತ್ಯಾದಿಗಳ ಪಟ್ಟಿ
ಒಪ್ಪಂದವನ್ನು ಕೊನೆಗಾಣಿಸಲು ನೀಡಬೇಕಾದ ನೋಟೀಸಿನ ಅವಧಿ
ಮಾಲೀಕರು ಕಟ್ಟಡದ ಒಳಗೆ ಪ್ರವೇಶಿಸಲು ನೀಡಬೇಕಾದ ನೋಟೀಸ್
ಸೊಸೈಟಿ/ನಿವಾಸಿಗಳ ಕ್ಷೇಮಾಭಿವೃದ್ಧ ಸಂಘದ ಬೈಲಾಗಳನ್ನು ಅನುಸರಿಸುವ ಕುರಿತು ಘೋಷಣೆ
ಯಾವುದೇ ಕಾನೂನು ಸಮ್ಮತವಲ್ಲದ ಚಟುವಟಿಕೆಗಳನ್ನು ಮಾಡಿದಿರುವ ಬಗ್ಗೆ ಘೋಷಣೆ
ಮಾಲಿಕ/ಪರವಾನಗಿ ನೀಡುವವರ ಸಮ್ಮತಿಯೊಡನೆ ಮಾತ್ರ ಒಳಬಾಡಿಗೆ ಕೊಡುವ ಕುರಿತು ಘೋಷಣೆ
ವಿವಾದ ಪರಿಹಾರಕ್ಕಾಗಿ ಮೊರೆ ಹೋಗುವ ನ್ಯಾಯಾಲಯ
ಅವಧಿಯ ನಂತರ ಬಾಡಿಗೆ ಹೆಚ್ಚಳ ಮಾಡುವ ದರ, ಇದ್ದಲ್ಲಿ
ಬಾಡಿಗೆದಾರರ/ಪರವಾನಗಿ ನೀಡುವವ ಮತ್ತು ಮಾಲೀಕ/ಪರವಾನಗಿ ಪಡೆಯುವವರ` ಸಹಿ
ಇಬ್ಬರು ಸಾಕ್ಷಿಗಳ ಸಹಿ
ನಿಮ್ಮ ಆಸ್ತಿಯನ್ನು ಯಾರಾದರೂ ಅತಿಕ್ರಮಿಸಿದರೆ ಅಥವಾ ಅಪ್ಪಣೆ ಇಲ್ಲದೆ ಪ್ರವೇಶಿಸಿದರೆ ಅಥವಾ ನಿರ್ಮಾಣವು ಗಡಿರೇಖೆಯನ್ನು ಮೀರಿ ವಿಸ್ತರಿಸಿದರೆ, ಅದನ್ನು ಪರಿಹರಿಸಲು ಮೂರು ಮಾರ್ಗಗಳಿವೆ.
ಅತಿಕ್ರಮಣ: ಯಾರಾದರೂ ನಿಮ್ಮ ಆಸ್ತಿಯನ್ನು ಪ್ರವೇಶಿಸಿದರೆ:,
- ಅಪರಾಧ ಮಾಡುವ ಉದ್ದೇಶದಿಂದ ಅಥವಾ ನಿಮ್ಮನ್ನು ಬೆದರಿಸುವ, ಅವಮಾನಿಸುವ ಅಥವಾ ಕಿರಿಕಿರಿಗೊಳಿಸುವ ಉದ್ದೇಶದಿಂದ, ಅಥವಾ
- ಕಾನೂನುಬದ್ಧವಾಗಿ ಪ್ರವೇಶಿಸಿದರು ಆದರೆ ಕಾನೂನುಬಾಹಿರವಾಗಿ ಅಲ್ಲೇ ಉಳಿಯುತ್ತಿದ್ದರೆ
ಇದು ಭಾರತೀಯ ದಂಡ ಸಂಹಿತೆ/ ಭಾರತೀಯ ನ್ಯಾಯ ಸಂಹಿತೆಯ ಪ್ರಕಾರ ಕ್ರಿಮಿನಲ್ ಅತಿಕ್ರಮಣ ವಾಗಬಹುದು((ಭಾರತೀಯ ದಂಡ ಸಂಹಿತೆಯ ಸೆಕ್ಷನ್ 441 ಮತ್ತು ಭಾರತೀಯ ನ್ಯಾಯ ಸಂಹಿತೆ, ಸೆಕ್ಷನ್ 329 ಕ್ರಿಮಿನಲ್ ಅತಿಕ್ರಮಣವನ್ನು ವ್ಯಾಖ್ಯಾನಿಸುತ್ತದೆ.)). ನೀವು ಅವರ ವಿರುದ್ಧ ಕ್ರಿಮಿನಲ್ ದೂರು ದಾಖಲಿಸಬಹುದು.
ಆಸ್ತಿಯ ಗಡಿರೇಖೆ: ಗೋಡೆಗಳು ಅಥವಾ ಬೇಲಿಗಳನ್ನು ನಿರ್ಮಿಸುವ ಮೂಲಕ ಭೂಮಿಯನ್ನು ಗುರುತಿಸುವುದು ಎರಡನೆಯ ಆಯ್ಕೆಯಾಗಿದೆ. ಇದು ಭೂಮಿಯ ಗಡಿಗಳನ್ನು ನಿಗದಿಪಡಿಸುತ್ತದೆ, ಗುರುತಿಸಲಾದ ಭೂಮಿಯ ರಕ್ಷಣೆಗೆ ಭರವಸೆ ನೀಡುತ್ತದೆ ಮತ್ತು ಆಕ್ರಮಣಕಾರರನ್ನು ದೂರವಿಡುತ್ತದೆ.
ಆಸ್ತಿ ಅತಿಕ್ರಮಣಕ್ಕೆ ಸಿವಿಲ್ ಮೊಕದ್ದಮೆ: ಮೂರನೇ ಆಯ್ಕೆ , ಸಿವಿಲ್ ನ್ಯಾಯಾಲಯದಲ್ಲಿ ಅರ್ಜಿ ಸಲ್ಲಿಸುವುದು ಮತ್ತು ಅತಿಕ್ರಮಣದ ವಿರುದ್ಧ ಆದೇಶಗಳನ್ನು ಪಡೆಯುವುದು. ನಿಮ್ಮ ಭೂ ಸ್ವಾಧೀನಕ್ಕೆ ಯಾರೂ ತೊಂದರೆ ಮಾಡದಂತೆ ಶಾಶ್ವತ ತಡೆಯಾಜ್ಞೆಯನ್ನು ನೀವು ಕೇಳಬಹುದು.
ಮನೆ ಅಥವಾ ಫ್ಲಾಟ್ ಬಾಡಿಗೆಗೆ ಪಡೆಯುವುದು ಹಲವಾರು ಪ್ರಕ್ರಿಯೆಗಳನ್ನು ಒಳಗೊಂಡಿದೆ. ಈ ಬಗ್ಗೆ ನಿಮಗೆ ಮಾಹಿತಿ ಇಲ್ಲದಿದ್ದಲ್ಲಿ ನಿಮ್ಮ ಅವಶ್ಯಕತೆಯನ್ನು ದುರುಪಯೋಗಪಡಿಸಿಕೊಳ್ಳುವ ಸಾಧ್ಯತೆ ಹೆಚ್ಚು. ಮನೆಯೊಂದನ್ನು ಬಾಡಿಗೆಗೆ ಪಡೆಯುವಾಗ ಈ ಕೆಳಕಂಡ ಅಂಶಗಳನ್ನು ದಯವಿಟ್ಟು ಗಮನದಲ್ಲಿಟ್ಟುಕೊಳ್ಳಿ.
ಸೂಕ್ತವಾದ ಮನೆಯೊಂದನ್ನು ಹುಡುಕುವುದು.
ನಿಮ್ಮ ಬಾಡಿಗೆ ಒಪ್ಪಂದವನ್ನು ನಿಷ್ಕರ್ಷೆಗೊಳಿಸುವುದು
ಲಿಖಿತ ಒಪ್ಪಂದಕ್ಕೆ ಸಹಿ ಮಾಡುವುದು
ಒಪ್ಪಂದವನ್ನು ನೋಂದಣಿ ಅಥವಾ ನೋಟರೀಕರಣಗೊಳಿಸುವುದು
ಒಪ್ಪಂದಕ್ಕೆ ಅನ್ವಯವಾಗುವ ಮುದ್ರಾಂಕ ಶುಲ್ಕವನ್ನು ಪಾವತಿಸುವುದು
ಕ್ಲಪ್ತ ಸಮಯಕ್ಕೆ ಬಾಡಿಗೆ ನೀಡುವುದು
ಪೋಲೀಸ್ ದೃಢೀಕರಣ
ಸರಾಗತೆಗಳು ಅಥವಾ ದಾರಿಯ ಹಕ್ಕು ಎಂಬುದು ಇತರ ಭೂಮಿಯ ಮೇಲಿನ ಮಾಲೀಕ ಅಥವಾ ಆಕ್ರಮಿದಾರರ ಹಕ್ಕಾಗಿರುತ್ತದೆ, ಅದು ಅವರ ಸ್ವಂತದ್ದಲ್ಲ, ಇದು ಅವರಿಗೆ ತಮ್ಮ ಸ್ವಂತ ಆಸ್ತಿಯನ್ನು ಆನಂದಿಸಲು ಅನುವು ಮಾಡಿಕೊಡುತ್ತದೆ. ಒಬ್ಬರ ಸ್ವಂತ ಭೂಮಿಯನ್ನು ಅನುಭವಿಸಲು ಇನ್ನೊಬ್ಬ ವ್ಯಕ್ತಿಯ ಭೂಮಿಯನ್ನು ಅಡೆತಡೆಯಿಲ್ಲದೆ ಹಾದುಹೋಗುವ ಹಕ್ಕನ್ನು ಇದು ಒಳಗೊಂಡಿದೆ. ಈ ಹಕ್ಕಿನ ಅಡಚಣೆಯಿದ್ದರೆ, ಅಡಚಣೆಯನ್ನು ನಿಲ್ಲಿಸಲು ಅಥವಾ ಹಾನಿಗಾಗಿ ನೀವು ತಡೆಯಾಜ್ಞೆಗಾಗಿ ಮೊಕದ್ದಮೆ ಹೂಡಬಹುದು.
ಕುಟುಂಬ ಮತ್ತು ವಿವಾಹ
ಹಣ ಮತ್ತು ಆಸ್ತಿ
ಅಪರಾಧ ಮತ್ತು ಹಿಂಸೆ / ದೌರ್ಜನ್ಯ
ಪೊಲೀಸ್ ಮತ್ತು ಕೋರ್ಟುಗಳು
ಕಾರ್ಮಿಕ ಮತ್ತು ಉದ್ಯೋಗ
ಆರೋಗ್ಯ ಮತ್ತು ಪರಿಸರ
ನಾಗರಿಕ ಹಕ್ಕುಗಳು ಮತ್ತು ಸಂವಿಧಾನ
ಸರ್ಕಾರ ಮತ್ತು ಚುನಾವಣೆ
ಮಾಧ್ಯಮ ಮತ್ತು ಬೌದ್ಧಿಕ ಆಸ್ತಿ
ವೀಡಿಯೊ
ಹಂತ ಹಂತದ ಮಾರ್ಗದರ್ಶಿಗಳು
ಸಾಮಾನ್ಯ
ಮಕ್ಕಳು
ಮಹಿಳೆಯರು
ಎಲ್ ಜಿ ಬಿ ಟಿ ಕ್ಯೂ ಐ +
ಉದ್ಯೋಗಿಗಳು
ಅಂಗವಿಕಲರು
ಪರಿಶಿಷ್ಟ ಜಾತಿಗಳು ಮತ್ತು ಪರಿಶಿಷ್ಟ ಪಂಗಡಗಳು
ಹಿರಿಯ ನಾಗರೀಕರು
ಅಸಂಘಟಿತ ಕಾರ್ಮಿಕರು