ಸಂವಿಧಾನ್ ಫೆಲೋಶಿಪ್

ನ್ಯಾಯಾದ ಪ್ರತಿಯೊಂದು ಪಾಲುದಾರ ಸಂಸ್ಥೆಯು ತಮ್ಮ ಫಲಾನುಭವಿಗಳಿಗೆ ವ್ಯವಸ್ಥೆಯನ್ನು ನ್ಯಾವಿಗೇಟ್ ಮಾಡಲು  ಸ್ಥಳೀಯ ಕಾನೂನು ತಜ್ಞರಿಂದ  ಸಹಾಯದ ಅಗಾಧ ಅಗತ್ಯವನ್ನು ಒತ್ತಿಹೇಳಿದೆ. ಈ ಅಂತರವನ್ನು ತುಂಬಲು, ಸಂವಿಧಾನ್ ಫೆಲೋಶಿಪ್ ಅನ್ನು ‘ನ್ಯಾಯ ಕಾರ್ಯವಿಧಾನಗಳನ್ನು ಸುಲಭಸಾಧ್ಯೆಗೊಳಿಸುವುದು‘ ಎಂಬ ವಿಷಯದ ಸುತ್ತೂ ಪರಿಕಲ್ಪನೆ ಮಾಡಲಾಗಿದೆ. ಫೆಲೋಶಿಪ್ ತಳಮಟ್ಟದ ಸಂಸ್ಥೆಗಳೊಂದಿಗೆ ಪಾಲುದಾರಿಕೆ ಮಾಡುವ ಮೂಲಕ ಮತ್ತು ಅವರ ಫಲಾನುಭವಿಗಳಿಗೆ ಸಂದರ್ಭೋಚಿತ ಕಾನೂನು ಮಾಹಿತಿಯನ್ನು ರಚಿಸಲು ಪ್ರಯತ್ನಿಸುತ್ತದೆ.

ಸಂವಿಧಾನ್ ಫೆಲೋಶಿಪ್ ಒಂದು ವರ್ಷದ ಪೇಯ್ಡ್ ಫೆಲೋಶಿಪ್ ಆಗಿದ್ದು, ಜನರು ನ್ಯಾಯವನ್ನು ಪಡೆಯುವಲ್ಲಿ ಅಂತರವನ್ನು ಕಡಿಮೆ ಮಾಡಲು ಕರ್ನಾಟಕದ ಆರು ತಳಮಟ್ಟದ ವಕೀಲರನ್ನು ಬೆಂಬಲಿಸುತ್ತದೆ.

ಆಯ್ಕೆಯಾದ ವಕೀಲರು (ಫೆಲೋಗಳು) ಲಿಟಿಗೇಷನ್ ಮತ್ತು ಕಾನೂನು ಅರಿವು ಕೆಲಸದಲ್ಲಿ ಆಸಕ್ತಿಯನ್ನು ಪ್ರದರ್ಶಿಸಿದ ಜಿಲ್ಲಾ ಮಟ್ಟದ ವಕೀಲರಾಗಿರುತ್ತಾರೆ. ಅವರು ಫಲಾನುಭವಿಗಳಿಗೆ ಕಾರ್ಯಗತಗೊಳಿಸಬಹುದಾದ ಕಾನೂನು ಮಾಹಿತಿಯನ್ನು ರಚಿಸಲು ಮತ್ತು ಪ್ರಸಾರ ಮಾಡಲು ನ್ಯಾಯ ತಂಡ ಮತ್ತು ನ್ಯಾಯದ ಪಾಲುದಾರ ಸಮುದಾಯ-ಆಧಾರಿತ ಸಂಸ್ಥೆಗಳೊಂದಿಗೆ ಕೆಲಸ ಮಾಡುತ್ತಾರೆ. ಇದು ವಿವಿಧ ಭಾರತೀಯ ಕಾನೂನುಗಳು ಮತ್ತು ಸರ್ಕಾರದ ಯೋಜನೆಗಳ ಅಡಿಯಲ್ಲಿ ಖಾತರಿಪಡಿಸುವ ಹಕ್ಕುಗಳ ಬಗ್ಗೆ ಅವರಿಗೆ ಅರಿವು ಮೂಡಿಸುತ್ತದೆ.

ಆಯ್ಕೆಯಾದ ವಕೀಲರು (ಫೆಲೋಗಳು) ಫಲಾನುಭವಿಗಳು ಹೊಂದಿರುವ ಎಲ್ಲಾ ಕಾನೂನು ಪ್ರಶ್ನೆಗಳಿಗೆ ಉತ್ತರಿಸುತ್ತಾರೆ ಮತ್ತು ಅವರ ಹಕ್ಕುಗಳನ್ನು ಜಾರಿಗೊಳಿಸುವಾಗ ಕಾನೂನು ವ್ಯವಸ್ಥೆಯನ್ನು ನ್ಯಾವಿಗೇಟ್ ಮಾಡಲು ಅವರಿಗೆ ಸಹಾಯ ಮಾಡುತ್ತಾರೆ. ಅಂತಿಮವಾಗಿ, ಅವರು ಸಾಮೂಹಿಕ ಕ್ರಮಕ್ಕಾಗಿ ಪ್ರಕರಣಗಳನ್ನು ಗುರುತಿಸಿ ಮುನ್ನಡೆಸಲು ನ್ಯಾಯಾ ತಂಡದೊಂದಿಗೆ ಕೆಲಸ ಮಾಡುತ್ತಾರೆ.

ಈ ಫೆಲೋಶಿಪ್ ಪ್ರಾಥಮಿಕವಾಗಿ ಫೀಲ್ಡ್-ಆಧಾರಿತವಾಗಿರುತ್ತದೆ. ಆಯ್ಕೆಯಾದ ವಕೀಲರು (ಫೆಲೋಗಳು) ಕರ್ನಾಟಕದಲ್ಲಿ ನೆಲೆಸಿರಬೇಕು ಅಥವಾ ಅಲ್ಲಿಗೆ ಸ್ಥಳಾಂತರಿಸಲು ಸಿದ್ಧರಾಗಿರಬೇಕು. ಫೆಲೋಶಿಪ್‌ನ ಅವಧಿಯು 12 ತಿಂಗಳುಗಳಾಗಿರುತ್ತದೆ. ಫೆಲೋಶಿಪ್‌ಗೆ ವಾರಕ್ಕೆ ಕನಿಷ್ಠ 20 ಗಂಟೆಗಳ ಕೆಲಸದ ಅಗತ್ಯವಿರುತ್ತದೆ.

ಸಂವಿಧಾನ್ ಫೆಲೋ ಎಂದರೆ:

1. ಕನ್ನಡದಲ್ಲಿ ಸರಾಗವಾಗಿ ಮಾತನಾಡುವ, ತಳಮಟ್ಟದಲ್ಲಿ ಕೆಲಸ ಮಾಡುವ, ಅತ್ಯಂತ ನುರಿತ ವಕೀಲರಾಗಿರಬೇಕು
2. ಲಿಟಿಗೇಷನ್ ಅನುಭವವನ್ನು ಹೊಂದಿರಬೇಕು
3. ಕಾರ್ಮಿಕ ಹಕ್ಕುಗಳು, ಮಹಿಳಾ ಹಕ್ಕುಗಳು, ಮಕ್ಕಳ ಹಕ್ಕುಗಳು, ಅಂಗವೈಕಲ್ಯ ಹಕ್ಕುಗಳು, ಅಥವಾ ಹಿಂದುಳಿದ ಸಮುದಾಯಗಳ ಹಕ್ಕುಗಳಲ್ಲಿ ವಿಷಯ ಪರಿಣತಿಯನ್ನು ಹೊಂದಿರಬೇಕು
4. ಸಾಮಾಜಿಕ ಯೋಜನೆಗಳು ಮತ್ತು ಹಕ್ಕುಗಳ ಬಗ್ಗೆ ತಿಳುವಳಿಕೆಯನ್ನು ಹೊಂದಿರಬೇಕು
5. ಕುಂದುಕೊರತೆ ಪರಿಹಾರದಲ್ಲಿ ಕೆಲಸ ಮಾಡಿರಬೇಕು ಮತ್ತು ಪ್ರಕ್ರಿಯೆಗಳಲನ್ನು ಅರ್ಥಮಾಡಿಕೊಂಡಿರಬೇಕು
6. ಕಾನೂನು ಅರಿವು ಕೆಲಸದಲ್ಲಿ ಆಸಕ್ತಿಯನ್ನು ಪ್ರದರ್ಶಿಸಿರಬೇಕು
7. ಗುರುತಿಸಲಾದ ಸಮಸ್ಯೆಗಳ ಮೇಲೆ ಸಮುದಾಯ ಕೌಶಲ್ಯಗಳನ್ನು ನಿರ್ಮಿಸಲು ಸಿದ್ಧರಿರಬೇಕು
8. ತಳಮಟ್ಟದ ಸಂಸ್ಥೆ ಅಥವಾ ಹಿರಿಯ ವಕೀಲರಿಂದ ನಾಮಿನೇಟ್ ಆಗಿರಬೇಕು 

ಹೊಣೆಗಾರಿಕೆ ಮತ್ತು ಪರಿಣತಿಯನ್ನು ಖಚಿತಪಡಿಸಿಕೊಳ್ಳಲು ಈ ಸಂಸ್ಥೆಗಳು ಮತ್ತು ಹಿರಿಯ ವಕೀಲರ ಶಿಫಾರಸುಗಳ ಆಧಾರದ ಮೇಲೆ ಮಾತ್ರ ವಕೀಲರನ್ನು ಆಯ್ಕೆ ಮಾಡಲಾಗುತ್ತದೆ. ಫೆಲೋಗಳ ಆಯ್ಕೆ ಪ್ರಕ್ರಿಯೆಯನ್ನು ನ್ಯಾಯಾ ತಂಡವು ನಿರ್ವಹಿಸುತ್ತದೆ.

ಪ್ರಾಥಮಿಕ ಕಾರ್ಯಗಳು

1. ಅವರು ಕೆಲಸ ಮಾಡುವ ಸಮುದಾಯಗಳ ಅಗತ್ಯತೆಗಳ ಆಧಾರದ ಮೇಲೆ ಪ್ರಾದೇಶಿಕ ಭಾಷೆಯಲ್ಲಿ ಸಂದರ್ಭೋಚಿತ, ಕಾನೂನು ಅರಿವು ವಿಷಯವನ್ನು ರಚಿಸಲು ಸಹಾಯ ಮಾಡುವುದು
2. ನ್ಯಾಯ ಸಹಯೋಗದಲ್ಲಿ ತಳಮಟ್ಟದ ಸಂಸ್ಥೆಗಳ ಫಲಾನುಭವಿಗಳಿಂದ ಪಡೆದ ಪ್ರಶ್ನೆಗಳಿಗೆ ಉತ್ತರಿಸುವುದು
3. ಕಾನೂನು ಸಲಹೆ ಮತ್ತು ಪ್ರಾತಿನಿಧ್ಯವನ್ನು ಒದಗಿಸಲು ಮತ್ತು ತಳಮಟ್ಟದ ಸಂಸ್ಥೆಗಳಿಂದ ಗುರುತಿಸಲ್ಪಟ್ಟ ವಕಾಲತ್ತು ಸಮಸ್ಯೆಗಳಿಗೆ ಕಾರ್ಯತಂತ್ರದ ಮಾರ್ಗದರ್ಶನವನ್ನು ನೀಡುವುದು
4. ಕಾನೂನು ಸಮಸ್ಯೆಗಳ ಕುರಿತು ಪಾಲುದಾರ ಸಂಸ್ಥೆಗಳು, ಸ್ವಯಂಸೇವಕರು ಮತ್ತು ಸಮುದಾಯ ವರದಿಗಾರರಿಗೆ ಸಾಮರ್ಥ್ಯ ನಿರ್ಮಾಣವನ್ನು ಒದಗಿಸುವುದು

ದ್ವಿತೀಯ ಕಾರ್ಯಗಳು

1. ನ್ಯಾಯ ಮಾಹಿತಿಯ ಮೂಲಕ ನಾಗರಿಕರಿಗೆ ಲಭ್ಯವಿರುವ ಹಕ್ಕುಗಳನ್ನು ಅರ್ಥಮಾಡಿಕೊಳ್ಳಲು ಸಹಾಯ ಮಾಡಲು ಕಾನೂನು ಅರಿವು ಕಾರ್ಯಕ್ರಮಗಳನ್ನು ನಡೆಸುವುದು
2. ಸ್ಥಳೀಯ ಅಗತ್ಯಗಳು ಮತ್ತು ಕಾನೂನು ಬೆಳವಣಿಗೆಗಳ ಆಧಾರದ ಮೇಲೆ ಲಿಖಿತ ಮತ್ತು/ಅಥವಾ ಆಡಿಯೋ-ವಿಡಿಯೋ ಮಾಹಿತಿಯನ್ನು ರಚಿಸುವುದು
3. ಸ್ವಯಂಸೇವಕರು ಮತ್ತು ಸಮುದಾಯದ ಸದಸ್ಯರು ತಮ್ಮ ಸಮಸ್ಯೆಗಳನ್ನು ಸಾರ್ವಜನಿಕ ವಿಚಾರಣೆಗಳಲ್ಲಿ ಪ್ರತಿನಿಧಿಸಲು ಸಹಾಯ ಮಾಡುವುದು, ಇತ್ಯಾದಿ.
4. ಪ್ರೋ-ಬೊನೊ ಲಿಟಿಗೇಷನ್ ಅಥವಾ ನೀತಿ-ಮಟ್ಟದ ಮಧ್ಯಸ್ಥಿಕೆಯ ಅಗತ್ಯವಿರುವ ಸಮಸ್ಯೆಗಳನ್ನು ಗುರುತಿಸುವುದು

1. ರೂ. 40,000 ದ ಮಾಸಿಕ ಸ್ಟೈಫಂಡ್, ಮತ್ತು ಫೆಲೋಶಿಪ್ ಜೊತೆಗೆ ತಮ್ಮ ಅಭ್ಯಾಸವನ್ನು ಮುಂದುವರಿಸುವ ಆಯ್ಕೆ
2. ಓರಿಯೆಂಟೇಷನ್ ಸಮಯದಲ್ಲಿ ಆಯ್ಕೆಯಾದ ವಕೀಲರು (ಫೆಲೋಗಳು) ಕಂಟೆಂಟ್ ರೈಟಿಂಗ್, ಮೀಡಿಯಾ ಟ್ರೇನಿಂಗ್ ಮತ್ತು ನ್ಯಾಯ ತಂಡವು ಅಗತ್ಯವೆಂದು ಗುರುತಿಸುವ ಯಾವುದೇ ಇತರ ಕೌಶಲ್ಯ-ಅಭಿವೃದ್ಧಿ ತರಬೇತಿಯನ್ನು ಸಹ ಪಡೆಯುತ್ತಾರೆ.
3. ಆಯ್ಕೆಯಾದ ವಕೀಲರು (ಫೆಲೋಗಳು) ತಮ್ಮ ಕೆಲಸದಲ್ಲಿ ಸಹಾಯ ಮಾಡಲು ನ್ಯಾಯಾ ಮತ್ತು ವಿಧಿ ಅವರ ಪುಸ್ತಕಗಳ ಕ್ಯಾಟಲಾಗ್ ಮತ್ತು ವಿವಿಧ ಜರ್ನಲ್‌ಗಳು ಮತ್ತು ಪ್ರಕಟಣೆಗಳಿಗೆ ಇ-ಸಬ್ಸ್ಕ್ರಿಪ್ಷನ್ ಗಳನ್ನು ಬಳಸಬಹುದು.
4. ಆಯ್ಕೆಯಾದ ವಕೀಲರು (ಫೆಲೋಗಳು) ನ್ಯಾಯಾ ಅವರ ನೆಟ್‌ವರ್ಕ್‌ನ ವಕೀಲರು, ತಳಮಟ್ಟದ ಸಂಸ್ಥೆಗಳು, CSO ಗಳು ಮತ್ತು ಮಾಧ್ಯಮದ ವ್ಯಕ್ತಿಗಳ ಬಗ್ಗೆ ಮಾಹಿತಿಯನ್ನು ಹೊಂದಿರುತ್ತಾರೆ, ಎಲ್ಲರೂ ಕಾನೂನು ತಳಮಟ್ಟದಲ್ಲಿರುವವರಿಗೆ ತಲುಪುವಂತೆ ಮಾಡುವ ಸಾಮಾನ್ಯ ಧ್ಯೇಯದಿಂದ ಪ್ರೇರಿತರಾಗಿದ್ದಾರೆ.