Theme: Identification & Certificates

ಗುರುತಿನ ದಾಖಲೆಗಳು ಆರೋಗ್ಯ ರಕ್ಷಣೆ, ಶಿಕ್ಷಣ ಇತ್ಯಾದಿ ಹಕ್ಕುಗಳನ್ನು ಪಡೆಯುವಲ್ಲಿ

ಪ್ರಮುಖ ಪಾತ್ರವಹಿಸುತ್ತವೆ ಮತ್ತು ಸಿಮ್ ಕಾರ್ಡ್ ಅಥವಾ ಬ್ಯಾಂಕ್ ಖಾತೆಗೆ ಅರ್ಜಿ ಸಲ್ಲಿಸುವಂತಹ ದೈನಂದಿನ ಚಟುವಟಿಕೆಗಳಿಗೆ ಸಹ ಮುಖ್ಯವಾಗಿವೆ. ನೀವು ಸಂಯೋಜಿಸಿಕೊಳ್ಳಲು ಬಯಸುವ ಲಿಂಗ ಗುರುತಿನ ದಾಖಲೆಗಳನ್ನು ಪಡೆಯುವುದು ನಿಮ್ಮ ಹಕ್ಕಾಗಿದೆ.

ಸರ್ಕಾರ ನೀಡಿದ ID ಪುರಾವೆಗಳಲ್ಲಿ ಲಿಂಗಗಳನ್ನು ಗುರುತಿಸಲಾಗಿದೆ

ಭಾರತದಲ್ಲಿನ ಗುರುತಿನ ದಾಖಲೆಗಳು “ಪುರುಷ”, “ಹೆಣ್ಣು” ಮತ್ತು “ಮೂರನೇ ಲಿಂಗ” (ತೃತಿಯಲಿಂಗಿ ) ಎಂಬ ಮೂರು ವರ್ಗಗಳನ್ನು ಮಾತ್ರ ಗುರುತಿಸುತ್ತವೆ. “ಮೂರನೇ ಲಿಂಗ” (ತೃತಿಯಲಿಂಗಿ ) ಆಯ್ಕೆ ಮಾಡುವ ಆಯ್ಕೆಯನ್ನು ನಿಮಗೆ ನೀಡದ ಯಾವುದೇ ನಮೂನೆಗಳು ಅಥವಾ ಕಾರ್ಯವಿಧಾನಗಳು ಎದುರಾದರೆ, ನೀವು ಹೀಗೆ ಮಾಡಬಹುದು:

• ನಿಮಗೆ ಯಾವ ಆಯ್ಕೆಗಳಿವೆ ಎಂದು ಅಧಿಕಾರಿಗಳನ್ನು ಕೇಳಿ

• ಗುರುತಿನ ಪುರಾವೆಯನ್ನು ಪಡೆಯಲು ನಿಮಗೆ ಸಹಾಯ ಮಾಡಲು ವಕೀಲರು, NGO ಗಳ ಸಹಾಯವನ್ನು   ಪಡೆದುಕೊಳ್ಳಿ

• ನಿಮ್ಮ ಲಿಂಗ ಗುರುತಿನ ಪುರಾವೆಯ ಪ್ರತಿಯನ್ನು ಇಟ್ಟುಕೊಳ್ಳಿ.

ಕೆಳಗೆ ನೀಡಲಾದ ಗುರುತಿನ ಪುರಾವೆ ದಾಖಲೆಗಳಲ್ಲಿ ಕನಿಷ್ಠ ಒಂದನ್ನು ಪಡೆಯಲು  ನೀವು ಪ್ರಯತ್ನಿಸಬೇಕು , ಇದರಿಂದ ಇತರ ದಾಖಲೆಗಳಿಗೆ ಅರ್ಜಿ ಸಲ್ಲಿಸುವ ಪ್ರಕ್ರಿಯೆಯು ನಿಮಗೆ ಸುಲಭವಾಗುತ್ತದೆ. ಅನೇಕ ಗುರುತಿನ ದಾಖಲೆಗಳು ಭಾರತದಾದ್ಯಂತ ಸಾಮಾನ್ಯವಾಗಿದ್ದರೂ, ಅವುಗಳನ್ನು ಪಡೆಯುವ ಕಾರ್ಯವಿಧಾನಗಳು ವಿಭಿನ್ನವಾಗಿರಬಹುದು ಆದ್ದರಿಂದ ನಿಮ್ಮ ರಾಜ್ಯದ ಅವಶ್ಯಕತೆಗಳನ್ನು ಅರ್ಥಮಾಡಿಕೊಳ್ಳುವುದು ಮುಖ್ಯ. ನೀವು ಈಗಾಗಲೇ ID ಪುರಾವೆ ಪಡೆದಿರುವ ಯಾರನ್ನಾದರೂ ಸಂಪರ್ಕಿಸಬಹುದು, ವಕೀಲರು, NGO ಗಳು ಇತ್ಯಾದಿಗಳ ಸಹಾಯವನ್ನು  ಸಹ ತೆಗೆದುಕೊಳ್ಳಬಹುದು.

ಸಾಮಾನ್ಯವಾಗಿ ಅಂಗೀಕರಿಸಲ್ಪಟ್ಟ ಸರ್ಕಾರಿ ಗುರುತಿನ ದಾಖಲೆಗಳ ಪಟ್ಟಿ

ಕೆಳಗಿನ ಪಟ್ಟಿಯಲ್ಲಿ ನೀಡಲಾದ ಕೆಲವು ಗುರುತಿನ ದಾಖಲೆಗಳನ್ನು  ಪಡೆಯಲು  (ID ಪುರಾವೆಗಳು) ಪ್ರಯತ್ನಿಸಿ ನೀವು ಅರ್ಜಿಯನ್ನು ಸಲ್ಲಿಸಬಹುದು:

ರಾಜ್ಯ-ಕೇಂದ್ರಿತ ಪ್ರಕ್ರಿಯೆಗಳು

ಪ್ರತಿಯೊಂದು ಗುರುತಿನ ದಾಖಲೆಗಳನ್ನು ಪಡೆಯುವ ಕಾರ್ಯವಿಧಾನಗಳು ರಾಜ್ಯಾವಾರು ವಿಭಿನ್ನವಾಗಿರಬಹುದು, ಆದ್ದರಿಂದ ನಿಮ್ಮ ರಾಜ್ಯದ ಅವಶ್ಯಕತೆಗಳನ್ನು ಅರ್ಥಮಾಡಿಕೊಳ್ಳುವುದು ಮುಖ್ಯವಾಗಿದೆ. ನೀವು ಈಗಾಗಲೇ ID ಪುರಾವೆ ಪಡೆದಿರುವ ಯಾರನ್ನಾದರೂ ಸಂಪರ್ಕಿಸಬಹುದು, ವಕೀಲರು, ಎನ್‌ಜಿಒಗಳು ಇತ್ಯಾದಿಗಳ ಸಹಾಯವನ್ನು ಕೂಡಾ ತೆಗೆದುಕೊಳ್ಳಬಹುದು.

ಲಿಂಗ ಗುರುತಿಸುವಿಕೆಯು ಪುರುಷ, ಮಹಿಳೆ, ತೃತೀಯಲಿಂಗಿ ಅಥವಾ ಇಂಟರ್‌ಸೆಕ್ಸ್‌ನಂತಹ ಇತರ ವರ್ಗಗಳಾಗಿದ್ದು ವ್ಯಕ್ತಿಯ ಸ್ವಯಂ-ಗುರುತಿಸುವಿಕೆಯನ್ನು ಸೂಚಿಸುತ್ತದೆ. 1 ಅಧಿಕಾರಿಗಳು ಅಥವಾ ಇತರ ಜನರ ಬಳಿ ನೀವು ಗುರುತಿಸಿಕೊಳ್ಳುವ ಲಿಂಗವನ್ನು ಸಾಬೀತುಪಡಿಸಲು ಬಯಸುವ ಯಾವುದೇ ಸಂಧರ್ಭ ಎದುರಿಸಿದಾಗ, ನೀವು ಕೆಳಗೆ ನೀಡಲಾದ ದಾಖಲೆಗಳನ್ನು ಅವರಿಗೆ ತೋರಿಸುವ ಆಯ್ಕೆಯನ್ನು ಹೊಂದಿರುತ್ತೀರಿ .

ಆಯ್ಕೆ 1: ಶಪಥ ಪತ್ರ/ ಅಫಿಡವಿಟ್ ಅಥವಾ ವಹಿಸಿಕೊಳ್ಳುವ ಪತ್ರ
ಶಪಥ ಪತ್ರ / ವಹಿಸಿಕೊಳ್ಳುವ ಪತ್ರ / ಎನ್ನುವುದು ನಿಮ್ಮ ಅಪೇಕ್ಷಿತ ಹೊಸ ಹೆಸರು, ನೀವು ಗುರುತಿಸುವ ಲಿಂಗ ಇತ್ಯಾದಿಗಳಂತಹ ನೀವು ಬರೆದಿರುವ ಸಂಗತಿಗಳನ್ನು ಒಳಗೊಂಡಿರುವ ದಾಖಲೆಯಾಗಿದೆ. ನೀವು ನೋಟರಿ ಅಥವಾ ಪ್ರಮಾಣ ಕಮಿಷನರ್‌ ನೊಂದಿಗೆ ಶಪಥ ಪತ್ರ / ವಹಿಸಿಕೊಳ್ಳುವ ಪತ್ರ / ಅನ್ನು ಪರಿಶೀಲಿಸಬೇಕು ಮತ್ತು ಅವರು ಅದನ್ನು ಮುದ್ರೆ ಹಾಕಿ ಸಹಿ ಮಾಡುತ್ತಾರೆ. ಪುರಾವೆಯಾಗಿ ಬಳಸಬಹುದಾದ ಮಾನ್ಯವಾದ ಕಾನೂನು ದಾಖಲೆಯನ್ನು ಮಾಡುವುದು. ಉದಾಹರಣೆಗೆ, ನೀವು ಶಪಥ ಪತ್ರ / ವಹಿಸಿಕೊಳ್ಳುವ ಪತ್ರ / ನಿಮ್ಮ ಹೆಸರನ್ನು ಬದಲಾಯಿಸುವಾಗ ಮಾತ್ರವಲ್ಲದೆ ಆಧಾರ್ ಕಾರ್ಡ್ ಪಡೆದುಕೊಳ್ಳುವಾಗ, ಬ್ಯಾಂಕ್ ಖಾತೆ ತೆರೆಯುವಾಗ, ಸಿಮ್ ಕಾರ್ಡ್ ಪಡೆಯುವಾಗಲೂ ಬಳಸಬಹುದು. ಶಪಥ ಪತ್ರ /ವಹಿಸಿಕೊಳ್ಳುವಿಕೆ ನೀವು ಸಾಬೀತುಪಡಿಸಲು ಬಳಸಬಹುದಾದ ಡಾಕ್ಯುಮೆಂಟ್ ಆಗಿರುತ್ತದೆ. ನೀವು ಅನುಭವಿಸಿದ ವೈದ್ಯಕೀಯ ವಿಧಾನಗಳು ಮತ್ತು ನೀವು ಗುರುತಿಸಿದ ಲಿಂಗ ಇತ್ಯಾದಿ ಸಂಗತಿಗಳು.

ಆಯ್ಕೆ 2: ವೈದ್ಯಕೀಯ ಪ್ರಮಾಣಪತ್ರ
ನೀವು ಯಾವುದೇ ಲಿಂಗ ಬದಲಾವಣೆಯ ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದರೆ, ಲಿಂಗ ಬದಲಾವಣೆಯ ಪುರಾವೆಯಾಗಿ ನೀವು ಆಸ್ಪತ್ರೆಯಿಂದ ವೈದ್ಯಕೀಯ ಪ್ರಮಾಣಪತ್ರವನ್ನು ತೋರಿಸಬಹುದು. ನೀವು ಒಳಗಾದ ಯಾವುದೇ ವೈದ್ಯಕೀಯ ಕಾರ್ಯವಿಧಾನಗಳ ವಿವರಗಳನ್ನು ಶಪಥ ಪತ್ರ /ವಹಿಸಿಕೊಳ್ಳುವಿಕೆ ಬರೆಯಬಹುದು ಇದರಿಂದ ನೀವು ಪುರಾವೆಯಾಗಿ ಕಾನೂನು ಮತ್ತು ನೋಟರೈಸ್ ಮಾಡಿದ ಡಾಕ್ಯುಮೆಂಟ್ ಅನ್ನು ಹೊಂದಿರುತ್ತೀರಿ.

ಆಯ್ಕೆ 3: ಗೆಜೆಟ್‌ನಲ್ಲಿ ಹೆಸರು ಬದಲಾವಣೆ
ನೀವು ಸಂಯೋಜಿಸುವ ಲಿಂಗವನ್ನು ಪ್ರತಿಬಿಂಬಿಸಲು ನಿಮ್ಮ ಹೆಸರನ್ನು ನೀವು ಬದಲಾಯಿಸಿದ್ದರೆ ಮತ್ತು ನೀವು ಅದನ್ನು ಯಶಸ್ವಿಯಾಗಿ ಕೇಂದ್ರ/ರಾಜ್ಯ ಗೆಜೆಟ್‌ನಲ್ಲಿ ಪ್ರಕಟಿಸಿದ್ದರೆ, ನೀವು ಗೆಜೆಟ್ ಅಧಿಸೂಚನೆಯ ಪ್ರತಿಯನ್ನು ಪುರಾವೆಯಾಗಿ ತೆಗೆದುಕೊಳ್ಳಬಹುದು. ಗೆಜೆಟ್ ಅಧಿಸೂಚನೆಗಳನ್ನು ಸ್ವತಃ ಪುರಾವೆ ಎಂದು ಪರಿಗಣಿಸಬಹುದು ಮತ್ತು ನೀವು ಅವುಗಳನ್ನು ನೋಟರೈಸ್ ಮಾಡುವ ಅಗತ್ಯವಿಲ್ಲ.

ಖಾಸಗಿಯಾಗಿ ಅಥವಾ ಸಾರ್ವಜನಿಕವಾಗಿ ನಿಮಗೆ ಕಿರುಕುಳ ಅಥವಾ ಅನುಚಿತವಾಗಿ ಸ್ಪರ್ಶಿಸುವ ಸಂಧರ್ಭಗಳು ಎದುರಾದರೆ, ಅದನ್ನು ಪರೀಕ್ಷಿಸಲು ಯಾರೂ ನಿಮ್ಮನ್ನು ಲಿಂಗ ಪರಿಶೀಲನೆಗೆ ಒಳಪಡಿಸಲು ಸಾಧ್ಯವಿಲ್ಲ. ಅದಕ್ಕಾಗಿಯೇ ಮೇಲೆ ನೀಡಲಾದ ದಾಖಲೆಗಳು ನಿಮ್ಮ ಲಿಂಗ ಗುರುತಿನ ಪ್ರಮುಖ ಪುರಾವೆಗಳಾಗಿವೆ. ನೀವು ಯಾವುದೇ ರೀತಿಯ ಕಿರುಕುಳವನ್ನು ಎದುರಿಸಿದರೆ, ನೀವು ಪೊಲೀಸರಿಗೆ ದೂರು ನೀಡಬೇಕು ಮತ್ತು ಈ ಪ್ರಕ್ರಿಯೆಯಲ್ಲಿ ವಕೀಲರ ಸಹಾಯವನ್ನು ತೆಗೆದುಕೊಳ್ಳಬೇಕು.

ನವತೇಜ್ ಸಿಂಗ್ ಜೋಹರ್ ಮತ್ತು ಓರ್ಸ್. vs. ಯೂನಿಯನ್ ಆಫ್ ಇಂಡಿಯಾ (UOI) ಮತ್ತು Ors. (2018)10 SCC 1 ಪ್ಯಾರಾ (5). [↩]

ನಿಮ್ಮ ಹೆಸರನ್ನು ಬದಲಾಯಿಸಲು, ಸೇರ್ಪಡೆ ಮಾಡಲು ಅಥವಾ ನಿಮ್ಮ ಹೆಸರಿನ ಭಾಗವನ್ನು ಅಳಿಸಲು, ನೀವು ಕೆಳಗೆ ನೀಡಲಾದ ಹಂತಗಳನ್ನು ಅನುಸರಿಸಬೇಕು ಮತ್ತು ಅದನ್ನು ರಾಜ್ಯ ಅಥವಾ ಕೇಂದ್ರ ಗೆಜೆಟ್‌ನಲ್ಲಿ ಪ್ರಕಟಿಸಲಾಗಿದೆಯೇ ಎಂದು ಖಚಿತಪಡಿಸಿಕೊಳ್ಳಬೇಕು. ನೀವು ವಿದೇಶದಲ್ಲಿ ಯಾವುದೇ ಉನ್ನತ ವ್ಯಾಸಂಗ, ವೀಸಾ ಅರ್ಜಿಗಳು, ಪಾಸ್‌ಪೋರ್ಟ್ ಅರ್ಜಿ ಇತ್ಯಾದಿಗಳಿಗೆ ಅರ್ಜಿ ಸಲ್ಲಿಸಲು ಬಯಸಿದರೆ ಅದನ್ನು ಸೆಂಟ್ರಲ್ ಗೆಜೆಟ್‌ನಲ್ಲಿ ಪ್ರಕಟಿಸಲು ನೀವು ಆಯ್ಕೆ ಮಾಡಬಹುದು. ನೀವು ಅದನ್ನು ರಾಜ್ಯ ಗೆಜೆಟ್‌ನಲ್ಲಿ ಪ್ರಕಟಿಸಲು ಆಯ್ಕೆ ಮಾಡಿದರೆ, ಅದನ್ನು ನಿಮ್ಮ ರಾಜ್ಯದಲ್ಲಿ ಮಾತ್ರ ಪ್ರಕಟಿಸಲಾಗುತ್ತದೆ ಆದರೆ ನೀವು ಅನೇಕ ಗುರುತಿನ ದಾಖಲೆಗಳನ್ನು ನವೀಕರಿಸಲು/ಪಡೆಯಲು ಇದನ್ನು ಬಳಸಬಹುದು, ಶಾಲಾ ಪ್ರಮಾಣಪತ್ರಗಳಲ್ಲಿ ನಿಮ್ಮ ಹೆಸರನ್ನು ಬದಲಾಯಿಸಬಹುದು, ಇತ್ಯಾದಿ. ನಿಮ್ಮ ಹೆಸರನ್ನು ಬದಲಾಯಿಸಲು ಕೆಳಗಿನ ಹಂತಗಳನ್ನು ಅನುಸರಿಸಿ:

ಹಂತ 1: ಶಪಥ ಪತ್ರ / ವಹಿಸಿಕೊಳ್ಳುವ ಪತ್ರ  ಮಾಡಿಸಿ

 ನಿಮ್ಮ ಹೊಸ ಹೆಸರನ್ನು ನೀವು ಎಲ್ಲಿ ಪ್ರಕಟಿಸಲು ಬಯಸುತ್ತೀರಿ ಎಂಬುದರ ಆಧಾರದ ಮೇಲೆ ಕೆಳಗೆ ನೀಡಲಾದ ದಾಖಲೆಗಳನ್ನು ನೀವು ಪ್ರಸ್ತುತ ಪಡಿಸಬೇಕು:

• ಶಪಥ ಪತ್ರ  (ರಾಜ್ಯ ಮತ್ತು ಕೇಂದ್ರ ಗೆಜೆಟ್ ಎರಡಕ್ಕೂ)

• ವಹಿಸಿಕೊಳ್ಳುವಿಕೆ (ಕೇಂದ್ರ ಗೆಜೆಟ್‌ಗಾಗಿ)

ಶಪಥ ಪತ್ರ /ವಹಿಸಿಕೊಳ್ಳುವಿಕೆ  ಎನ್ನುವುದು ನಿಮ್ಮ ಇಚ್ಛೆಯ ಹೊಸ ಹೆಸರು, ನೀವು ಗುರುತಿಸುವ ಲಿಂಗ, ವೈದ್ಯಕೀಯ ವಿಧಾನಗಳು ಇತ್ಯಾದಿಗಳಂತಹ ನೀವು ಬರೆದ ಸತ್ಯಗಳನ್ನು ಒಳಗೊಂಡಿರುವ ದಾಖಲೆಗಳಾಗಿವೆ. ಉದಾಹರಣೆಗೆ, ನಿಮ್ಮ ಹೆಸರನ್ನು ಬದಲಾಯಿಸುವಾಗ ಮಾತ್ರವಲ್ಲದೆ ನೀವು  ಆಧಾರ್ ಕಾರ್ಡ್ ಪಡೆಯುವಾಗ, ಬ್ಯಾಂಕ್ ಖಾತೆ ತೆರೆಯುವಾಗ, ಸಿಮ್ ಕಾರ್ಡ್ ಪಡೆಯುವಾಗ ಇತ್ಯಾದಿ ಸಂಧರ್ಭದಲ್ಲಿಯೂ ಕೂಡಾ ಶಪಥ ಪತ್ರ /ವಹಿಸಿಕೊಳ್ಳುವಿಕೆ ಬಳಸಬಹುದು. 

ಹಂತ 2: ನೋಟರಿ ಅಥವಾ ಒಥ್ ಕಮಿಷನರ್ ಬಳಿಗೆ ಹೋಗಿ

ನಿಮ್ಮ ಶಪಥ ಪತ್ರ /ವಹಿಸಿಕೊಳ್ಳುವಿಕೆ ಪರಿಶೀಲಿಸುವ ಹತ್ತಿರದ/ಸ್ಥಳೀಯ ನೋಟರಿ ಅಥವಾ ಓಥ್ ಕಮಿಷನರ್ ಅನ್ನು ಹುಡುಕಿ. ನಿಮ್ಮ ದಾಖಲೆಯನ್ನು ಸ್ಟ್ಯಾಂಪ್ ಮಾಡಲಾಗುತ್ತದೆ ನಂತರ ಅದು ಮಾನ್ಯವಾದ ಕಾನೂನು ದಾಖಲೆ ಆಗಿರುತ್ತದೆ. ಈ ಸೇವೆಗಾಗಿ ನೀವು ಶುಲ್ಕವನ್ನು ಪಾವತಿಸಬೇಕಾಗುತ್ತದೆ.

ಹಂತ 3: ನಿಮ್ಮ ಹೊಸ ಹೆಸರನ್ನು ಪತ್ರಿಕೆಯಲ್ಲಿ ಜಾಹೀರಾತು ಮಾಡಿ

ನಿಮ್ಮ ರಾಜ್ಯದ ಎರಡು ಸ್ಥಳೀಯ ಪ್ರಮುಖ ಪತ್ರಿಕೆಗಳನ್ನು ನೀವು ಸಂಪರ್ಕಿಸಬೇಕು (ಒಂದು ನಿಮ್ಮ ಪ್ರಾದೇಶಿಕ ಭಾಷೆಯಲ್ಲಿ ಮತ್ತು ಇನ್ನೊಂದು ಇಂಗ್ಲಿಷ್‌ನಲ್ಲಿ) ಮತ್ತು ಪರಿಶೀಲಿಸಿದ ಶಪಥ ಪತ್ರ ವನ್ನು ತೋರಿಸಿದ ನಂತರ ನಿಮ್ಮ ಹೊಸ ಹೆಸರನ್ನು ಪ್ರಕಟಿಸಲು ವಿನಂತಿಸಬೇಕು. ಜಾಹೀರಾತನ್ನು ಪ್ರಕಟಿಸಲು ನೀವು ಪತ್ರಿಕೆಗಳಿಗೆ ಶುಲ್ಕವನ್ನು ಪಾವತಿಸಬೇಕಾಗುತ್ತದೆ.

ಹಂತ 4: ಇದನ್ನು ಕೇಂದ್ರ ಅಥವಾ ರಾಜ್ಯ ಗೆಜೆಟ್‌ನಲ್ಲಿ ಪ್ರಕಟಿಸಿ

ನೀವು ನಿಮ್ಮ ಹೆಸರನ್ನು ರಾಜ್ಯ ಗೆಜೆಟ್‌ನಲ್ಲಿ (ನಿಮ್ಮ ರಾಜ್ಯದೊಳಗೆ) ಅಥವಾ ಕೇಂದ್ರ ಗೆಜೆಟ್‌ನಲ್ಲಿ (ರಾಷ್ಟ್ರೀಯ ಮಟ್ಟ) ಪ್ರಕಟಿಸಬೇಕಾಗುತ್ತದೆ.

ರಾಜ್ಯ ಗೆಜೆಟ್‌

ನೀವು ನಿಮ್ಮ ಆಯಾ ರಾಜ್ಯದ ಸರ್ಕಾರಿ ಮುದ್ರಣಾಲಯವನ್ನು ಸಂಪರ್ಕಿಸಬೇಕು, ಅವರು ನೀಡಿದ ಆಯಾ ಅರ್ಜಿಯನ್ನು ಭರ್ತಿಮಾಡಬೇಕು ಮತ್ತು ನಿಗದಿತ ಶುಲ್ಕವನ್ನು ಪಾವತಿಸಬೇಕು.

 ಕೇಂದ್ರ ಗೆಜೆಟ್

ಕೇಂದ್ರ ಗೆಜೆಟ್‌ನಲ್ಲಿ ನಿಮ್ಮ ಹೆಸರನ್ನು ಪ್ರಕಟಿಸಲು ನೀವು ಬಯಸಿದರೆ, ನೀವು ಅದನ್ನು ಈ ಕೆಳಗಿನ ವಿಳಾಸಕ್ಕೆ “ಪ್ರಕಟಣೆಗಳ ಇಲಾಖೆ, ಸಿವಿಲ್ ಲೈನ್ಸ್, ನವದೆಹಲಿ-54” ವಿಳಾಸಕ್ಕೆ ಕಳುಹಿಸಬೇಕು:

• ನಿಮ್ಮ ಪರಿಶೀಲಿಸಿದ ಶಪಥ ಪತ್ರ ಮತ್ತು ವಹಿಸಿಕೊಳ್ಳುವಿಕೆ 

• ಮೂಲ ಪತ್ರಿಕೆಯ ಜಾಹೀರಾತು ತುಣುಕು.

• ಸ್ವಯಂ ದೃಢೀಕರಿಸಿದ ID ಪುರಾವೆ ಮತ್ತು 2 ಸ್ವಯಂ ದೃಢೀಕರಿಸಿದ ಪಾಸ್‌ಪೋರ್ಟ್ ಫೋಟೋಗಳು.

•  ನಿಮ್ಮ ಮತ್ತು 2 ಸಾಕ್ಷಿಗಳ ಸಹಿಯೊಂದಿಗೆ ಪ್ರೋಫಾರ್ಮಾದ ಪ್ರತಿ.

• ನಿಮ್ಮ ಟೈಪ್ ಮಾಡಿದ ಹೆಸರಿನೊಂದಿಗೆ ಪ್ರೊಫಾರ್ಮಾದ CD ನಕಲು (ಸಾಕ್ಷಿಗಳು ಮತ್ತು ಸಹಿಗಳನ್ನು ಹೊರತುಪಡಿಸಿ).

• ಹಾರ್ಡ್ ಕಾಪಿ ಮತ್ತು ಸಾಫ್ಟ್ ಕಾಪಿಯ ವಿಷಯಗಳು ಒಂದೇ ಆಗಿವೆ ಎಂದು ನೀವು ಸಹಿ ಮಾಡಿದ ಪ್ರಮಾಣಪತ್ರ.

• ಶುಲ್ಕದೊಂದಿಗೆ ವಿನಂತಿ ಪತ್ರ

ಹಂತ 5: ಹೆಸರು ಬದಲಾವಣೆಯ ಪುರಾವೆ

ಕೇಂದ್ರ ಮತ್ತು ರಾಜ್ಯ ಪತ್ರಗಳೆರಡೂ ಹೆಸರುಗಳನ್ನು ಪ್ರಕಟಿಸಲು ಸಾಕಷ್ಟು ಸಮಯ ತೆಗೆದುಕೊಳ್ಳುತ್ತದೆ. ನಿಮ್ಮ ಸಂಬಂಧಿತ ರಾಜ್ಯ ಗೆಜೆಟ್ ವೆಬ್‌ಸೈಟ್‌ನಲ್ಲಿ ನಿಮ್ಮ ಹೆಸರನ್ನು ನೀವು ಹುಡುಕಬೇಕು. ಕೇಂದ್ರ ಗೆಜೆಟ್‌ಗಾಗಿ, ಈ ಹಂತಗಳನ್ನು ಅನುಸರಿಸಿ:

• ಕೇಂದ್ರ ಗೆಜೆಟ್ ಪುಟಕ್ಕೆ ಹೋಗಿ ಮತ್ತು ‘ಸರ್ಚ್ ಗೆಜೆಟ್’ ಕ್ಲಿಕ್ ಮಾಡಿ

• ‘ವಾರದ ಗೆಜೆಟ್’ ವರ್ಗವನ್ನು ಸೇರಿಸಿ ಮತ್ತು ಹುಡುಕಾಟವನ್ನು ಒತ್ತಿರಿ.

•  ‘ಭಾಗ IV’ ಆಯ್ಕೆಮಾಡಿ

•  ದಿನಾಂಕಗಳನ್ನು ಸೇರಿಸಿ

• “ಕೀವರ್ಡ್” ವಿಭಾಗದಲ್ಲಿ, ನಿಮ್ಮ ಹೊಸ ಹೆಸರನ್ನು ಸೇರಿಸಿ.

• ರಚಿಸಿದ ಫಲಿತಾಂಶಗಳ ಮೇಲೆ ಕ್ಲಿಕ್ ಮಾಡಿ ಮತ್ತು

• ಸಂಬಂಧಿತ ಫೈಲ್ ಅನ್ನು ಡೌನ್‌ಲೋಡ್ ಮಾಡಿ. ಈ ಡೌನ್‌ಲೋಡ್ ಮಾಡಿದ ಪ್ರತಿಯನ್ನು ಪುರಾವೆಯಾಗಿ ಬಳಸಬಹುದು.

 

ಕಲಿಕಾ ಪರವಾನಗಿಯು ತಾತ್ಕಾಲಿಕ ಪರವಾನಗಿಯಾಗಿದ್ದು, ಇದು 6 ತಿಂಗಳವರೆಗೆ ಮಾನ್ಯವಾಗಿರುತ್ತದೆ, ಇದು ಮಾನ್ಯವಾದ ಚಾಲನಾ ಪರವಾನಗಿಯನ್ನು ಹೊಂದಿರುವ ವಯಸ್ಕರೊಂದಿಗೆ ನೀವು ಜೊತೆಯಲ್ಲಿರುವವರೆಗೆ ಭಾರತೀಯ ರಸ್ತೆಗಳಲ್ಲಿ ಚಾಲನೆಯನ್ನು ಅಭ್ಯಾಸ ಮಾಡಲು ಕಾನೂನುಬದ್ಧವಾಗಿ ಅನುಮತಿಸುತ್ತದೆ. ನೀವು DL ಗೆ ಅರ್ಜಿ ಸಲ್ಲಿಸುವ ಮೊದಲು ನೀವು 18 ವರ್ಷ ವಯಸ್ಸಿನವರಾಗಿರಬೇಕು, ಆದ್ದರಿಂದ ನೀವು ನಿಮ್ಮ ಕಲಿಕಾ ಪರವಾನಗಿಯನ್ನು ನವೀಕರಿಸಬೇಕು ಅಥವಾ ಹೊಸದನ್ನು ಪಡೆಯಬೇಕು, ಏಕೆಂದರೆ ನೀವು ನಿಮಗೆ 18 ವರ್ಷ ತುಂಬುವ ಮೊದಲು ನಿಮ್ಮ ಕಲಿಕಾ ಪರವಾನಗಿ ಪಡೆದರೆ, ನಿಮ್ಮ ರಾಜ್ಯದ ನಿಯಮಗಳ ಆಧಾರದ ಮೇಲೆ ಕಲಿಕಾ ಪರವಾನಗಿ 6 ತಿಂಗಳವರೆಗೆ ಮಾನ್ಯವಾಗಿರುತ್ತದೆ.

ಹೊಸ ಕಲಿಯುವವರ ಪರವಾನಗಿ

ನೀವು ಚಾಲನಾ ಪರವಾನಗಿಗಾಗಿ ಅರ್ಜಿ ಸಲ್ಲಿಸುವ ಮೊದಲು ನೀವು ಕಲಿಕಾ ಪರವಾನಗಿಯನ್ನು ಪಡೆಯಬೇಕು, ನೀವು ರಾಜ್ಯ ಮಾನ್ಯತೆ ಪಡೆದ ಡ್ರೈವಿಂಗ್ ಶಾಲೆಯಿಂದ ಡ್ರೈವಿಂಗ್ ಪ್ರಮಾಣಪತ್ರವನ್ನು ಹೊಂದಿಲ್ಲದಿದ್ದರೆ. ಹೊಸ ಕಲಿಕಾ ಪರವಾನಗಿಯನ್ನು ಹೇಗೆ ಪಡೆಯುವುದು ಎಂಬುದನ್ನು ಅರ್ಥಮಾಡಿಕೊಳ್ಳಲು, ಈ ಹಂತಗಳನ್ನು ಅನುಸರಿಸಿ:

•  ಹೆಸರು: ನೀವು ಗುರುತಿಸುವ ಲಿಂಗವನ್ನು ಪ್ರತಿಬಿಂಬಿಸಲು ನಿಮ್ಮ ಹೆಸರನ್ನು ನೀವು ಬದಲಾಯಿಸಿದ್ದರೆ, ನೀವು ಅರ್ಜಿ ನಮೂನೆಯಲ್ಲಿ ನಿಮ್ಮ ಹೊಸ ಹೆಸರನ್ನು ಭರ್ತಿ ಮಾಡಬಹುದು. ನೀವು ಕೇಂದ್ರ/ರಾಜ್ಯ ಗೆಜೆಟ್‌ನಲ್ಲಿ ನಿಮ್ಮ ಬದಲಾದ ಹೆಸರಿನ ನಕಲನ್ನು ಮತ್ತು RTO/RTA ಅಧಿಕಾರಿಗಳು ಅಗತ್ಯವಿದ್ದರೆ ನಿಮ್ಮ ಹೊಸ ಹೆಸರನ್ನು ಗುರುತಿಸುವ ಇತರ ಗುರುತಿನ ಪುರಾವೆಗಳ ಪ್ರತಿಯನ್ನು ಒಯ್ಯಬೇಕು.

• ಲಿಂಗ ವಿವರಗಳು: ಹೊಸ ಕಲಿಕಾ ಪರವಾನಗಿಯನ್ನು ಪಡೆದುಕೊಳ್ಳುವಾಗ, ನೀವು “ಪುರುಷ”, “ಸ್ತ್ರೀ” ಮತ್ತು “ತೃತೀಯ ಲಿಂಗ” ಲಿಂಗಕ್ಕಾಗಿ ಮೂರು ಆಯ್ಕೆಗಳನ್ನು ಹೊಂದಿರಬಹುದು. ಕಲಿಕಾ ಪರವಾನಗಿಗಳನ್ನು ರಾಜ್ಯವಾರು ನಿಯಂತ್ರಿಸಲಾಗಿರುವುದರಿಂದ, ಕೆಲವೊಮ್ಮೆ ತೃತೀಯ ಲಿಂಗ ಅನ್ನು ಆಯ್ಕೆ ಮಾಡುವ ಅವಕಾಶ ಇಲ್ಲದಿರಬಹುದು ಮತ್ತು ಅಂತಹ ಸಂದರ್ಭಗಳಲ್ಲಿ, ನೀವು ಹೀಗೆ ಮಾಡಬೇಕು:

• RTO/RTA ಅನ್ನು ಸಂಪರ್ಕಿಸಿ ಮತ್ತು ಪರಿಹಾರ ತಿಳಿಯಿರಿ

• ನೀವು ಗುರುತಿಸುವ ಲಿಂಗ, ನಿಮ್ಮ ಹೊಸ ಹೆಸರು ಇತ್ಯಾದಿ ವಿವರಗಳನ್ನು ಹೊಂದಿರುವ ಶಪಥ ಪತ್ರದಂತಹ ಗುರುತಿನ ಪುರಾವೆಯನ್ನು ಒಯ್ಯಿರಿ.

• ವಕೀಲರು, NGO ಇತ್ಯಾದಿಗಳ ಸಹಾಯವನ್ನು ತೆಗೆದುಕೊಳ್ಳಿ.

ಕಲಿಕಾ ಪರವಾನಗಿ ವಿವರಗಳ ನವೀಕರಣ

ನಿಮ್ಮ ಕಲಿಕಾ ಪರವಾನಗಿಯನ್ನು ನೀವು ನವೀಕರಿಸಬಹುದು, ಇದು 6 ತಿಂಗಳವರೆಗೆ ಮಾನ್ಯವಾಗಿರುತ್ತದೆ ಅಥವಾ ನಿಮ್ಮ ರಾಜ್ಯದ ನಿಯಮಗಳನ್ನು ಅವಲಂಬಿಸಿ ಅದರ ಮುಕ್ತಾಯ ದಿನಾಂಕದ ನಂತರ ಹೊಸದನ್ನು ಪಡೆಯಬಹುದು. ಈ ವಿಧಾನವು ರಾಜ್ಯವಾರು ಬದಲಾಗುತ್ತದೆ, ಆದ್ದರಿಂದ ನಿಮ್ಮ ರಾಜ್ಯಕ್ಕೆ ನಿರ್ದಿಷ್ಟವಾದ ನಿಯಮಗಳನ್ನು ನೀವು ಪರಿಶೀಲಿಸಬೇಕು. ನಿಮ್ಮ ಕಲಿಕಾ ಪರವಾನಗಿಯನ್ನು ಹೇಗೆ ನವೀಕರಿಸುವುದು ಎಂಬುದನ್ನು ತಿಳಿಯಲು ಇಲ್ಲಿ ಓದಿ.

• ನಿಮ್ಮ ಹೆಸರನ್ನು ಬದಲಾಯಿಸುವುದು: ನೀವು ಗುರುತಿಸುವ ಲಿಂಗವನ್ನು ಪ್ರತಿಬಿಂಬಿಸಲು ನಿಮ್ಮ ಹೆಸರನ್ನು ನವೀಕರಿಸಲು ನೀವು ಬಯಸಿದರೆ, ನವೀಕರಣ ಅರ್ಜಿ ನಮೂನೆಯಲ್ಲಿ ನಿಮ್ಮ ಹೊಸ ಹೆಸರನ್ನು ನೀವು ಭರ್ತಿ ಮಾಡಬಹುದು. ಕೇಂದ್ರ/ರಾಜ್ಯ ಗೆಜೆಟ್‌ನಲ್ಲಿ ನಿಮ್ಮ ಬದಲಾದ ಹೆಸರಿನ ಪ್ರತಿಯನ್ನು ಮತ್ತು ನಿಮ್ಮ ಹೊಸ ಹೆಸರನ್ನು ಗುರುತಿಸುವ ಇತರ ಗುರುತಿನ ಪುರಾವೆಯ ಪ್ರತಿಯನ್ನು ನೀವು ಒಯ್ಯಬೇಕು.

• ಲಿಂಗ ವಿವರಗಳನ್ನು ಬದಲಾಯಿಸುವುದು: ಕಲಿಕಾ ಪರವಾನಗಿಗಳನ್ನು ರಾಜ್ಯವಾರು ನಿಯಂತ್ರಿಸಲಾಗಿರುವುದರಿಂದ, ಕೆಲವೊಮ್ಮೆ ತೃತೀಯ ಲಿಂಗ ಅನ್ನು ಆಯ್ಕೆ ಮಾಡುವ ಅವಕಾಶ ಇಲ್ಲದಿರಬಹುದು ಮತ್ತು ಅಂತಹ ಸಂದರ್ಭಗಳಲ್ಲಿ, ನೀವು ಹೀಗೆ ಮಾಡಬೇಕು:

• RTO/RTA ಅನ್ನು ಸಂಪರ್ಕಿಸಿ ಮತ್ತು ಏನು ಮಾಡಬಹುದು ಎಂದು ಕೇಳಿ

• ನೀವು ಗುರುತಿಸುವ ಲಿಂಗ, ನಿಮ್ಮ ಹೊಸ ಹೆಸರು ಇತ್ಯಾದಿ ವಿವರಗಳನ್ನು ಹೊಂದಿರುವ ಶಪಥ ಪತ್ರದಂತಹ ಗುರುತಿನ ಪುರಾವೆಯನ್ನು ಒಯ್ಯಿರಿ.

• ವಕೀಲರು, NGO ಗಳು ಇತ್ಯಾದಿಗಳ ಸಹಾಯವನ್ನು ತೆಗೆದುಕೊಳ್ಳಿ.

RTO/RTA ಅಧಿಕಾರಿಗಳು ನಿಮ್ಮ ಲಿಂಗ ಗುರುತಿನ ಪುರಾವೆ ಅಥವಾ ಹೆಸರು ಬದಲಾವಣೆಯ ಪುರಾವೆಯನ್ನು ಕೇಳಬಹುದು, ಆದರೆ ಅವರು ನಿಮ್ಮನ್ನು ಯಾವುದೇ ರೀತಿಯ ಕಿರುಕುಳ ಅಥವಾ ಲಿಂಗ ಪರಿಶೀಲನೆಗೆ ಸ್ಥಳದಲ್ಲೇ ಒಳಪಡಿಸಲು ಸಾಧ್ಯವಿಲ್ಲ. ನೀವು ಯಾವುದೇ ಕಿರುಕುಳ ಅಥವಾ ತಾರತಮ್ಯವನ್ನು ಎದುರಿಸಿದರೆ, ನೀವು ಕಲಿಕಾ ಪರವಾನಗಿ ಅಧಿಕಾರಿಗಳಿಗೆ ದೂರು ನೀಡಬೇಕು. ಈ ಅಧಿಕಾರಿಗಳು ಸ್ಪಂದಿಸದಿದ್ದರೆ, ನೀವು ವಕೀಲರು, NGO ಇತ್ಯಾದಿಗಳ ಸಹಾಯವನ್ನು ಪಡೆದು ಪ್ರಕ್ರಿಯೆಯನ್ನು ಸುಲಭಗೊಳಿಸಲು ಮತ್ತು ಪೊಲೀಸರಿಗೆ ದೂರು ನೀಡುವ ಮೂಲಕ ಕ್ರಮ ಕೈಗೊಳ್ಳಬಹುದು.

• ನಿಯಮ 3(ಬಿ), ದಿ ಸೆಂಟ್ರಲ್ ಮೋಟಾರ್ ವೆಹಿಕಲ್ಸ್ ರೂಲ್ಸ್, 1989 [↩]

 

ಚಾಲನಾ ಪರವಾನಗಿ (DL) ಎನ್ನುವುದು ರಸ್ತೆ ಸಾರಿಗೆ ಮತ್ತು ಹೆದ್ದಾರಿಗಳ ಸಚಿವಾಲಯದ ಅಡಿಯಲ್ಲಿ ಪ್ರತಿ ರಾಜ್ಯದ ಪ್ರಾದೇಶಿಕ ಸಾರಿಗೆ ಕಚೇರಿ (RTO) ಅಥವಾ ಪ್ರಾದೇಶಿಕ ಸಾರಿಗೆ ಪ್ರಾಧಿಕಾರ (RTA) ಮೂಲಕ ಕಾರ್ಡ್ ರೂಪದಲ್ಲಿ ನೀಡಲಾದ ಅಧಿಕೃತ ದಾಖಲೆಯಾಗಿದೆ. ಸಾರ್ವಜನಿಕ ರಸ್ತೆಯಲ್ಲಿ ಮೋಟಾರ್‌ಸೈಕಲ್, ಕಾರು ಇತ್ಯಾದಿಗಳಂತಹ ಒಂದು ಅಥವಾ ಹೆಚ್ಚಿನ ರೀತಿಯ ವಾಹನಗಳನ್ನು ಓಡಿಸಲು ಇದು ನಿಮಗೆ ಅನುಮತಿ ನೀಡುತ್ತದೆ.

ಹೊಸ ಚಾಲನಾ ಪರವಾನಗಿ

 ಕಲಿಕಾ ಪರವಾನಗಿಯನ್ನು ನೀಡಿದ 30 ದಿನಗಳ ನಂತರ ಮತ್ತು 180 ದಿನಗಳ (6 ತಿಂಗಳು)((ವಿಭಾಗ 14 (1), ಮೋಟಾರು ವಾಹನಗಳ ಕಾಯಿದೆ, 1988.)) ಒಳಗಾಗಿ ನೀವು ಹೊಸ ಚಾಲನಾ ಪರವಾನಗಿಗಾಗಿ ನೋಂದಾಯಿಸಿಕೊಳ್ಳಬಹುದು. ಹೊಸ ಚಾಲನಾ ಪರವಾನಗಿಯನ್ನು ಹೇಗೆ ಪಡೆಯುವುದು ಎಂಬುದನ್ನು ತಿಳಿಯಲು, ಇಲ್ಲಿ ಓದಿ.

• ಹೆಸರು: ನೀವು ಗುರುತಿಸುವ ಲಿಂಗವನ್ನು ಪ್ರತಿಬಿಂಬಿಸಲು ನಿಮ್ಮ ಹೆಸರನ್ನು ನೀವು ಬದಲಾಯಿಸಿದ್ದರೆ, ನೀವು ಅರ್ಜಿ ನಮೂನೆಯಲ್ಲಿ ನಿಮ್ಮ ಹೊಸ ಹೆಸರನ್ನು ಭರ್ತಿ ಮಾಡಬಹುದು. ನೀವು ಕೇಂದ್ರ/ರಾಜ್ಯ ಗೆಜೆಟ್‌ನಲ್ಲಿ ನಿಮ್ಮ ಬದಲಾದ ಹೆಸರಿನ ನಕಲನ್ನು ಮತ್ತು RTO/RTA ಅಧಿಕಾರಿಗಳಿಗೆ ಅಗತ್ಯವಿದ್ದರೆ ನಿಮ್ಮ ಹೊಸ ಹೆಸರನ್ನು ಗುರುತಿಸುವ ಇತರ ಗುರುತಿನ ಪುರಾವೆಗಳ ಪ್ರತಿಯನ್ನು ಸಹಾ ಒಯ್ಯಬೇಕು.

• ಲಿಂಗ ವಿವರಗಳು: ಹೊಸ ಚಾಲನಾ ಪರವಾನಗಿಯನ್ನು ಪಡೆದುಕೊಳ್ಳುವಾಗ, ನೀವು ಲಿಂಗಕ್ಕಾಗಿ ಮೂರು ಆಯ್ಕೆಗಳನ್ನು ಹೊಂದಿರಬಹುದು ಅದು “ಪುರುಷ”, “ಸ್ತ್ರೀ” ಮತ್ತು “ತೃತೀಯ ಲಿಂಗ”. ಚಾಲನಾ ಪರವಾನಗಿಯನ್ನು ರಾಜ್ಯವಾರು ನಿಯಂತ್ರಿಸಲಾಗಿರುವುದರಿಂದ, ಕೆಲವೊಮ್ಮೆ ತೃತೀಯ ಲಿಂಗ ಅನ್ನು ಆಯ್ಕೆ ಮಾಡುವ ಅವಕಾಶ ಇಲ್ಲದಿರಬಹುದು. ಅಂತಹ ಸಂದರ್ಭಗಳಲ್ಲಿ, ನೀವು ಹೀಗೆ ಮಾಡಬೇಕು:

• RTO/RTA ಅನ್ನು ಸಂಪರ್ಕಿಸಿ ಮತ್ತು ಮುಂದಿನ ಕ್ರಮದ ಬಗ್ಗೆ ವಿಚಾರಿಸಿ

• ನೀವು ಗುರುತಿಸುವ ಲಿಂಗ, ನಿಮ್ಮ ಹೊಸ ಹೆಸರು ಇತ್ಯಾದಿ ವಿವರಗಳನ್ನು ಹೊಂದಿರುವ ಶಪಥ ಪತ್ರದಂತಹಾ ಗುರುತಿನ ಪುರಾವೆಯನ್ನು ಒಯ್ಯಿರಿ.

• ವಕೀಲರು, NGO ಗಳು ಇತ್ಯಾದಿಗಳ ಸಹಾಯವನ್ನು ಪಡೆಯಿರಿ.

ಚಾಲನಾ ಪರವಾನಗಿ ವಿವರಗಳನ್ನು ನವೀಕರಿಸುವುದು / ಬದಲಾಯಿಸುವುದು / ನವೀಕರಿಸುವುದು

            ನಿಮ್ಮ ಚಾಲನಾ ಪರವಾನಗಿಯ ಮಾಹಿತಿಯನ್ನು ನೀವು ನವೀಕರಿಸಬಹುದು ಮತ್ತು ಹಾಗೆ ಮಾಡುವುದರಿಂದ ನೀವು ನವೀಕರಿಸಿದ ಮಾಹಿತಿಯನ್ನು ಹೊಂದಿರುವ ಹೊಸದಾಗಿ ನೀಡಲಾದ ಕಾರ್ಡ್ ಅನ್ನು ಸ್ವೀಕರಿಸುತ್ತೀರಿ. ಚಾಲನಾ ಪರವಾನಗಿ  ವಿವರಗಳನ್ನು ಹೇಗೆ ನವೀಕರಿಸುವುದು ಎಂಬುದನ್ನು ವಿವರವಾಗಿ ತಿಳಿಯಲು ಇಲ್ಲಿ ಓದಿ ಮತ್ತು ನಿಮ್ಮ ಚಾಲನಾ ಪರವಾನಗಿಯನ್ನು ಹೇಗೆ ನವೀಕರಿಸುವುದು ಎಂಬುದನ್ನು ತಿಳಿಯಲು ಇಲ್ಲಿ ಓದಿ.

• ನಿಮ್ಮ ಹೆಸರನ್ನು ಬದಲಾಯಿಸುವುದು: ನೀವು ಗುರುತಿಸುವ ಲಿಂಗವನ್ನು ಪ್ರತಿಬಿಂಬಿಸಲು ನಿಮ್ಮ ಹೆಸರನ್ನು ನವೀಕರಿಸಲು ನೀವು ಅರ್ಜಿ ನಮೂನೆಯಲ್ಲಿ ನಿಮ್ಮ ಹೊಸ ಹೆಸರನ್ನು ಭರ್ತಿ ಮಾಡಬಹುದು. ಕೇಂದ್ರ/ರಾಜ್ಯ ಗೆಜೆಟ್‌ನಲ್ಲಿ ನಿಮ್ಮ ಬದಲಾದ ಹೆಸರಿನ ಪ್ರತಿಯನ್ನು ಮತ್ತು ನಿಮ್ಮ ಹೊಸ ಹೆಸರನ್ನು ಗುರುತಿಸುವ ಇತರ ಗುರುತಿನ ಪುರಾವೆಯ ಪ್ರತಿಯನ್ನು ನೀವು ಪಡೆಯಬಹುದು.

ಲಿಂಗ ವಿವರಗಳನ್ನು ಬದಲಾಯಿಸುವುದು: ಚಾಲನಾ ಪರವಾನಗಿಯನ್ನು ರಾಜ್ಯವಾರು ನಿಯಂತ್ರಿಸಲಾಗಿರುವುದರಿಂದ, ಕೆಲವೊಮ್ಮೆ ತೃತೀಯಲಿಂಗಿಯನ್ನು ಆಯ್ಕೆ ಮಾಡುವ ಅವಕಾಶವು ಇಲ್ಲದಿರಬಹುದು. ಅಂತಹ ಸಂದರ್ಭಗಳಲ್ಲಿ, ನೀವು ಹೀಗೆ ಮಾಡಬೇಕು:

• RTO/RTA ಅನ್ನು ಸಂಪರ್ಕಿಸಿ ಮತ್ತು ಮುಂದಿನ ಕ್ರಮದ ಬಗ್ಗೆ ವಿಚಾರಿಸಿ

• ನೀವು ಗುರುತಿಸುವ ಲಿಂಗ, ನಿಮ್ಮ ಹೊಸ ಹೆಸರು ಇತ್ಯಾದಿ ವಿವರಗಳನ್ನು ಹೊಂದಿರುವ ಶಪಥ ಪತ್ರದಂತಹಾ ಗುರುತಿನ ಪುರಾವೆಯನ್ನು ಒಯ್ಯಿರಿ.

• ವಕೀಲರು, NGO ಗಳು ಇತ್ಯಾದಿಗಳ ಸಹಾಯವನ್ನು ಪಡೆಯಿರಿ

RTO/RTA ಅಧಿಕಾರಿಗಳು ನಿಮ್ಮ ಲಿಂಗ ಗುರುತಿನ ಪುರಾವೆ ಅಥವಾ ಹೆಸರು ಬದಲಾವಣೆಯ ಪುರಾವೆಯನ್ನು ಕೇಳಬಹುದು, ಆದರೆ ಅವರು ನಿಮ್ಮನ್ನು ಯಾವುದೇ ರೀತಿಯ ಕಿರುಕುಳ ಅಥವಾ ಲಿಂಗ ಪರಿಶೀಲನೆಗೆ ಸ್ಥಳದಲ್ಲೇ ಒಳಪಡಿಸಲು ಸಾಧ್ಯವಿಲ್ಲ. ನೀವು ಯಾವುದೇ ಕಿರುಕುಳ ಅಥವಾ ತಾರತಮ್ಯವನ್ನು ಎದುರಿಸಿದರೆ, ನೀವು ಡ್ರೈವಿಂಗ್ ಲೈಸೆನ್ಸ್ ಅಧಿಕಾರಿಗಳಿಗೆ ದೂರು ನೀಡಬೇಕು. ಈ ಅಧಿಕಾರಿಗಳು ಸ್ಪಂದಿಸದಿದ್ದರೆ, ಪ್ರಕ್ರಿಯೆಯನ್ನು ಸುಲಭಗೊಳಿಸಲು ನೀವು ವಕೀಲರು, NGO ಇತ್ಯಾದಿಗಳ ಸಹಾಯವನ್ನು ಪಡೆಯಬಹುದು ಮತ್ತು ಪೊಲೀಸರಿಗೆ ದೂರು ನೀಡುವ ಮೂಲಕ ಕ್ರಮ ಕೈಗೊಳ್ಳಬಹುದು.

• ನಿಯಮ, 15 (1), ಕೇಂದ್ರ ಮೋಟಾರು ವಾಹನ ನಿಯಮಗಳು, 1989. [↩]

 

PAN (ಶಾಶ್ವತ ಖಾತೆ ಸಂಖ್ಯೆ) ಆದಾಯ ತೆರಿಗೆ ಇಲಾಖೆಯಿಂದ ನೀಡಲಾಗುವ ತೆರಿಗೆಗಳನ್ನು ಸಲ್ಲಿಸಲು ಕಡ್ಡಾಯವಾಗಿ ಅಗತ್ಯವಿರುವ ಗುರುತಿನ ಪುರಾವೆಯಾಗಿದೆ. ನಿಮ್ಮ PAN ಕಾರ್ಡ್‌ನ ವಿವರಗಳನ್ನು ಉದ್ಯೋಗದಾತರು ಸಂಬಳ ವರ್ಗಾವಣೆ, TDS ಕಡಿತಗಳು ಇತ್ಯಾದಿಗಳಿಗಾಗಿ ಮತ್ತು ಬ್ಯಾಂಕ್ ಖಾತೆಗಳನ್ನು ತೆರೆಯುವಾಗ ಬ್ಯಾಂಕ್‌ ಗಳಿಂದ ಕೇಳುತ್ತಾರೆ. ಆರಂಭದಲ್ಲಿ, ನೀವು ಪ್ಯಾನ್ ಸಂಖ್ಯೆಗೆ ಅರ್ಜಿ ಸಲ್ಲಿಸಬೇಕಾಗುತ್ತದೆ. ನಿಮ್ಮ ಪ್ಯಾನ್ ಸಂಖ್ಯೆ ಸಿದ್ಧವಾದಾಗ, ಕಾರ್ಡ್‌ನಲ್ಲಿರುವ ನಿಮ್ಮ ಪ್ಯಾನ್ ಸಂಖ್ಯೆಯ ವಿವರಗಳೊಂದಿಗೆ ಪ್ಯಾನ್ ಕಾರ್ಡ್ ಅನ್ನು ನಿಮಗೆ ನೀಡಲಾಗುತ್ತದೆ. ಪ್ಯಾನ್ ಬಗ್ಗೆ ವಿವರ ಮತ್ತು ಅದರ ಅಗತ್ಯತೆಯ ಬಗ್ಗೆ ತಿಳಿಯಲು ಇಲ್ಲಿ ಓದಿ.

 ಹೊಸ ಪ್ಯಾನ್ ಸಂಖ್ಯೆ/ಕಾರ್ಡ್‌ಗಾಗಿ ವಿವರಗಳು

ಪ್ಯಾನ್ ಸಂಖ್ಯೆ ಅಥವಾ ಕಾರ್ಡ್‌ಗಾಗಿ ಅರ್ಜಿ ಸಲ್ಲಿಸುವುದು ಉಚಿತ ಪ್ರಕ್ರಿಯೆಯಾಗಿದೆ ಮತ್ತು ಇದಕ್ಕೆ ನೀವು ನಿಮ್ಮ ಪೂರ್ಣ ಹೆಸರು, ಲಿಂಗ, ಹುಟ್ಟಿದ ದಿನಾಂಕ, ವಾಸಸ್ಥತಳದ ವಿಳಾಸ, ಇತ್ಯಾದಿಗಳಂತಹ ವಿವರಗಳನ್ನು ನೀವು ನೀಡಬೇಕಾಗುತ್ತದೆ. ನೀವು ಆನ್‌ಲೈನ್ ನಲ್ಲಿ ಅಥವಾ ಖುದ್ದಾಗಿ PAN ಸಂಖ್ಯೆಗೆ ಅರ್ಜಿ ಸಲ್ಲಿಸಿದ ನಂತರ. ನೀವು PAN ಕಾರ್ಡ್‌ಗಾಗಿ ಅರ್ಜಿ ಸಲ್ಲಿಸಬಹುದು.

• ಹೆಸರು: ನೀವು ಗುರುತಿಸುವ ಲಿಂಗವನ್ನು ಪ್ರತಿಬಿಂಬಿಸಲು ನಿಮ್ಮ ಹೆಸರನ್ನು ನೀವು ಬದಲಾಯಿಸಿದ್ದರೆ, ನಿಮ್ಮ ಹೊಸ ಹೆಸರನ್ನು ನೀವು ಅರ್ಜಿ ನಮೂನೆಗಳಲ್ಲಿ ಭರ್ತಿ ಮಾಡಬಹುದು (PAN ಸಂಖ್ಯೆ ಅರ್ಜಿ ನಮೂನೆ (ನಮೂನೆ 49 A) ​​ಮತ್ತು PAN ಕಾರ್ಡ್ ಅರ್ಜಿ ನಮೂನೆ). ನೀವು ಕೇಂದ್ರ/ರಾಜ್ಯ ಗೆಜೆಟ್‌ನಲ್ಲಿ ನಿಮ್ಮ ಬದಲಾದ ಹೆಸರಿನ ನಕಲನ್ನು ಮತ್ತು PAN ಕೇಂದ್ರದಲ್ಲಿನ ಅಧಿಕಾರಿಗಳ ಅಗತ್ಯವಿದ್ದರೆ ನಿಮ್ಮ ಹೊಸ ಹೆಸರನ್ನು ಗುರುತಿಸುವ ಇತರೆ ಗುರುತಿನ ಪುರಾವೆಯ ಪ್ರತಿಯನ್ನು ಒಯ್ಯಬೇಕು.

• ಲಿಂಗ ವಿವರಗಳು: ಹೊಸ ಪ್ಯಾನ್ ಸಂಖ್ಯೆ ಅಥವಾ ಕಾರ್ಡ್ ಅನ್ನು ಪಡೆದುಕೊಳ್ಳುವಾಗ, ಲಿಂಗಕ್ಕೆ ಮೂರು ಆಯ್ಕೆಗಳನ್ನು ಹೊಂದಿದ್ದೀರಿ ಅದು “ಪುರುಷ”, “ಸ್ತ್ರೀ” ಮತ್ತು “ತೃತೀಯಲಿಂಗಿ” (ಮೂರನೇ ಲಿಂಗ). ಈ ಆಯ್ಕೆಯು ಭಾರತದಾದ್ಯಂತ ಎಲ್ಲಾ PAN ಕೇಂದ್ರಗಳಲ್ಲಿ ಮತ್ತು PAN ಸಂಖ್ಯೆಯ ಅರ್ಜಿ ನಮೂನೆ ಮತ್ತು PAN ಕಾರ್ಡ್ ಅರ್ಜಿ ನಮೂನೆಯಲ್ಲಿ ನಿಮಗೆ ಲಭ್ಯವಿದೆ.

 ಪ್ಯಾನ್ ಕಾರ್ಡ್ ವಿವರಗಳನ್ನು ನವೀಕರಿಸುವುದು / ಬದಲಾಯಿಸುವುದು

ನಿಮ್ಮ ಪ್ಯಾನ್ ಕಾರ್ಡ್‌  ಮಾಹಿತಿಯನ್ನು ನೀವು ನವೀಕರಿಸಬಹುದು ಮತ್ತು ಹಾಗೆ ಮಾಡುವುದರಿಂದ ನಿಮಗೆ ಹೊಸದಾಗಿ ನೀಡಲಾದ PAN ಕಾರ್ಡ್ ಅನ್ನು ಸ್ವೀಕರಿಸುತ್ತೀರಿ. ಅದು ಅದೇ PAN ಸಂಖ್ಯೆಯನ್ನು ಹೊಂದಿರುತ್ತದೆ ಆದರೆ ನವೀಕರಿಸಿದ ಮಾಹಿತಿಯೊಂದಿಗೆ ಇರುತ್ತದೆ. ಪ್ಯಾನ್ ಕಾರ್ಡ್ ವಿವರಗಳನ್ನು ಹೇಗೆ ನವೀಕರಿಸುವುದು ಎಂಬುದನ್ನು ವಿವರವಾಗಿ ತಿಳಿಯಲು ಇಲ್ಲಿ ಓದಿ. ಒಮ್ಮೆ ನಿಮಗೆ ಪ್ಯಾನ್ ಸಂಖ್ಯೆಯನ್ನು ನಿಯೋಜಿಸಿದರೆ, ಅದನ್ನು ಬದಲಾಯಿಸಲಾಗುವುದಿಲ್ಲ ಎಂಬುದನ್ನು ನೆನಪಿಡಿ. ಪ್ಯಾನ್ ಕಾರ್ಡ್ ವಿವರಗಳನ್ನು ಮಾತ್ರ ನವೀಕರಿಸಬಹುದು.

• ನಿಮ್ಮ ಹೆಸರನ್ನು ಬದಲಾಯಿಸುವುದು: ನೀವು ಗುರುತಿಸುವ ಲಿಂಗವನ್ನು ಪ್ರತಿಬಿಂಬಿಸಲು ನಿಮ್ಮ ಹೆಸರನ್ನು ನವೀಕರಿಸಲು ನೀವು ಬಯಸಿದರೆ, ನೀವು ಅರ್ಜಿ ನಮೂನೆಯಲ್ಲಿ ( ಫಾರ್ಮ್ 49 ಎ) ನಿಮ್ಮ ಹೊಸ ಹೆಸರನ್ನು ಭರ್ತಿ ಮಾಡಬಹುದು. ಕೇಂದ್ರ/ರಾಜ್ಯ ಗೆಜೆಟ್‌ನಲ್ಲಿ ನಿಮ್ಮ ಬದಲಾದ ಹೆಸರಿನ ಪ್ರತಿಯನ್ನು ಮತ್ತು ನಿಮ್ಮ ಹೊಸ ಹೆಸರನ್ನು ಗುರುತಿಸುವ ಇತರ ಗುರುತಿನ ಪುರಾವೆಗಳ ಪ್ರತಿಯನ್ನು ನೀವು ಒಯ್ಯಬೇಕು.

• ಲಿಂಗ ವಿವರಗಳನ್ನು ಬದಲಾಯಿಸುವುದು: ನಿಮ್ಮ ಲಿಂಗವನ್ನು ನವೀಕರಿಸಲು ನೀವು ಬಯಸಿದರೆ, “ಪುರುಷ”, “ಸ್ತ್ರೀ” ಮತ್ತು “ತೃತೀಯಲಿಂಗಿ” (ಮೂರನೇ ಲಿಂಗ) ಎಂಬ ಮೂರು ಆಯ್ಕೆಗಳಿಂದ ನೀವು ಗುರುತಿಸಬಹುದು. ಈ ಆಯ್ಕೆಯು ನಿಮಗೆ ಅರ್ಜಿ ನಮೂನೆಯಲ್ಲಿ ಮತ್ತು ಭಾರತದಾದ್ಯಂತ ಎಲ್ಲಾ PAN ಕೇಂದ್ರಗಳಲ್ಲಿ ಲಭ್ಯವಿದೆ.

PAN ಕೇಂದ್ರದಲ್ಲಿರುವ ಅಧಿಕಾರಿಗಳು ಲಿಂಗ ಗುರುತಿನ ಪುರಾವೆ ಅಥವಾ ಹೆಸರು ಬದಲಾವಣೆಯ ಪುರಾವೆಯನ್ನು ಕೇಳಬಹುದು, ಆದರೆ ಅವರು ನಿಮ್ಮನ್ನು ಯಾವುದೇ ರೀತಿಯ ಕಿರುಕುಳ ಅಥವಾ ಲಿಂಗ ಪರಿಶೀಲನೆಗೆ ಸ್ಥಳದಲ್ಲೇ ಒಳಪಡಿಸಲು ಸಾಧ್ಯವಿಲ್ಲ. ನೀವು ಯಾವುದೇ ಕಿರುಕುಳ ಅಥವಾ ತಾರತಮ್ಯವನ್ನು ಎದುರಿಸಿದರೆ, ನೀವು PAN ಅಧಿಕಾರಿಗಳಿಗೆ ದೂರು ನೀಡಬೇಕು. ಈ ಅಧಿಕಾರಿಗಳು ಸ್ಪಂದಿಸದಿದ್ದರೆ, ನೀವು ಪ್ರಕ್ರಿಯೆಯನ್ನು ಸುಲಭಗೊಳಿಸಲು ವಕೀಲರು, NGOಇತ್ಯಾದಿಗಳ ಸಹಾಯವನ್ನು ಪಡೆಯಬಹುದು ಮತ್ತು ಪೊಲೀಸರಿಗೆ ದೂರು ನೀಡುವ ಮೂಲಕ ಕ್ರಮ ಕೈಗೊಳ್ಳಬಹುದು.

ಆಧಾರ್ ಎಂಬುದು 12-ಅಂಕಿಯ ಗುರುತಿನ ಸಂಖ್ಯೆಯಾಗಿದ್ದು 1, ಇದು ಪ್ರತಿಯೊಬ್ಬ ವ್ಯಕ್ತಿಗೆ ನಿರ್ದಿಷ್ಟವಾಗಿದೆ 2, ವ್ಯಕ್ತಿಗತ ಮಾಹಿತಿ ಮತ್ತು ಬಯೋಮೆಟ್ರಿಕ್ ಮಾಹಿತಿಯ ಆಧಾರದ ಮೇಲೆ ಪರಿಶೀಲನೆ ಪ್ರಕ್ರಿಯೆಯನ್ನು ಪೂರೈಸಿದ ನಂತರ ಇದನ್ನು ಭಾರತದ ನಿವಾಸಿಗಳಿಗೆ ವಿಶಿಷ್ಟ ಗುರುತಿನ ಪ್ರಾಧಿಕಾರದ (UIDAI) ಮೂಲಕ ನೀಡಲಾಗುತ್ತದೆ.3 ಹೆಸರು, ಹುಟ್ಟಿದ ದಿನಾಂಕ, ವಿಳಾಸ, ಇತ್ಯಾದಿಗಳಂತಹ ನಿಮ್ಮ ವ್ಯಕ್ತಿಗತ ವಿವರಗಳೊಂದಿಗೆ ಕಾರ್ಡ್‌ ನಲ್ಲಿರುವ ಆಧಾರ್ ಸಂಖ್ಯೆಯನ್ನು ನಿಮಗೆ ನಿಯೋಜಿಸಲಾಗುತ್ತದೆ. ಇದು ಸಾಮಾನ್ಯವಾಗಿ ನಿಮ್ಮ ಶಾಶ್ವತ ವಿಳಾಸವಿರುವ ರಾಜ್ಯ ಭಾಷೆಯಲ್ಲಿ ಮತ್ತು ಇಂಗ್ಲಿಷ್ ಅಲ್ಲಿ ಇರುತ್ತದೆ.

ಆಧಾರ್ ಕಾರ್ಡ್‌ಗೆ ಅರ್ಜಿ ಸಲ್ಲಿಸುವಾಗ ಅಥವಾ ನವೀಕರಿಸುವಾಗ ನೀವು ಹೊಂದಿರುವ ಕೆಲವು ಪ್ರಮುಖ ಹಕ್ಕುಗಳನ್ನು ಕೆಳಗೆ ನೀಡಲಾಗಿದೆ.

ಹೊಸ ಆಧಾರ್ ಕಾರ್ಡ್‌ನಲ್ಲಿ ವಿವರಗಳು

 ಹೊಸ ಆಧಾರ್ ಕಾರ್ಡ್ ಪಡೆಯುವ ಪ್ರಕ್ರಿಯೆಗಾಗಿ ಆಧಾರ್ ನೋಂದಣಿ ಕೇಂದ್ರಕ್ಕೆ ಖುದ್ದಾಗಿ ಹೋಗಬೇಕಾಗುತ್ತದೆ ಮತ್ತು ಅದನ್ನು ಆನ್‌ಲೈನ್‌ ನಲ್ಲಿ ಮಾಡಲಾಗುವುದಿಲ್ಲ. ಇದು ಉಚಿತ  ಪ್ರಕ್ರಿಯೆಯಾಗಿದ್ದು, ಹೊಸ ಆಧಾರ್ ಕಾರ್ಡ್ ಅನ್ನು ಹೇಗೆ ಪಡೆಯುವುದು ಎಂಬುದನ್ನು ತಿಳಿಯಲು, ಇಲ್ಲಿ ಓದಿ.

• ಹೆಸರು: ನೀವು ಗುರುತಿಸುವ ಲಿಂಗವನ್ನು ಪ್ರತಿಬಿಂಬಿಸಲು ನಿಮ್ಮ ಹೆಸರನ್ನು ನೀವು ಬದಲಾಯಿಸಿದ್ದರೆ, ದಾಖಲಾತಿ ಅರ್ಜಿಯಲ್ಲಿ ನಿಮ್ಮ ಹೊಸ ಹೆಸರನ್ನು ನೀವು ಭರ್ತಿ ಮಾಡಬಹುದು. ಕೇಂದ್ರ/ರಾಜ್ಯ ಗೆಜೆಟ್‌ನಲ್ಲಿ ನಿಮ್ಮ ಬದಲಾದ ಹೆಸರಿನ ಪ್ರತಿಯ ಅಗತ್ಯವಿದ್ದರೆ ನಿಮ್ಮ ಹೊಸ ಹೆಸರನ್ನು ಗುರುತಿಸುವ ಇತರ ಐಡಿ ಪುರಾವೆಗಳ ಪ್ರತಿಯನ್ನು ನೀವು ಒಯ್ಯಬೇಕು.

• ಲಿಂಗ ವಿವರಗಳು: ಹೊಸ ಆಧಾರ್ ಕಾರ್ಡ್ ಅನ್ನು ಪಡೆದುಕೊಳ್ಳುವಾಗ, ನೀವು ಲಿಂಗಕ್ಕೆ ಮೂರು ಆಯ್ಕೆಗಳನ್ನು ಹೊಂದಿದ್ದೀರಿ ಅದು “ಪುರುಷ”, “ಸ್ತ್ರೀ” ಮತ್ತು “ತೃತೀಯಲಿಂಗಿ” (ಮೂರನೇ ಲಿಂಗ). ಈ ಆಯ್ಕೆಯು ಭಾರತದಾದ್ಯಂತ ಇರುವ ಎಲ್ಲಾ ದಾಖಲಾತಿ ಕೇಂದ್ರಗಳಲ್ಲಿ ಮತ್ತು ಆಧಾರ್ ದಾಖಲಾತಿ ಅರ್ಜಿಯಲ್ಲಿ ನಿಮಗೆ ಲಭ್ಯವಿದೆ.

 ಆಧಾರ್ ವಿವರಗಳನ್ನು ನವೀಕರಿಸುವುದು / ಬದಲಾಯಿಸುವುದು

 ಹತ್ತಿರದ ಆಧಾರ್ ದಾಖಲಾತಿ ಕೇಂದ್ರಕ್ಕೆ ಖುದ್ದಾಗಿ ಹೋಗಿ ‘ಆಧಾರ್ ಡೇಟಾ ಅಪ್‌ಡೇಟ್/ತಿದ್ದುಪಡಿಗಾಗಿ ಅರ್ಜಿಯನ್ನು’ ಕೊಡುವ ಮೂಲಕ ನಿಮ್ಮ ವ್ಯಕ್ತಿಗತ  ಮಾಹಿತಿ ಅಥವಾ ಹೆಸರು, ಲಿಂಗ, ಬೆರಳಚ್ಚುಗಳು ಇತ್ಯಾದಿಗಳಂತಹ ನಿಮ್ಮ ಬಯೋಮೆಟ್ರಿಕ್ ಮಾಹಿತಿಯನ್ನು ನೀವು ನವೀಕರಿಸಬಹುದು. ಆಧಾರ್ ವಿವರಗಳನ್ನು ಹೇಗೆ ನವೀಕರಿಸುವುದು ಎಂಬುದನ್ನು ಅರ್ಥಮಾಡಿಕೊಳ್ಳಲು, ಇಲ್ಲಿ ಓದಿ.

• ನಿಮ್ಮ ಹೆಸರನ್ನು ಬದಲಾಯಿಸುವುದು: ನೀವು ಗುರುತಿಸುವ ಲಿಂಗವನ್ನು ಪ್ರತಿಬಿಂಬಿಸಲು ನಿಮ್ಮ ಹೆಸರನ್ನು ನವೀಕರಿಸಲು ನೀವು ಬಯಸಿದರೆ, ದಾಖಲಾತಿ  ಆರ್ಜಿಯಲ್ಲಿ ನಿಮ್ಮ ಹೊಸ ಹೆಸರನ್ನು ನೀವು ಭರ್ತಿ ಮಾಡಬಹುದು. ಕೇಂದ್ರ/ರಾಜ್ಯ ಗೆಜೆಟ್‌ನಲ್ಲಿ ನಿಮ್ಮ ಬದಲಾದ ಹೆಸರಿನ ಪ್ರತಿಯನ್ನು ಮತ್ತು ನಿಮ್ಮ ಹೊಸ ಹೆಸರನ್ನು ಗುರುತಿಸುವ , ಇತರ ಗುರುತಿನ ಪುರಾವೆಗಳ ನಕಲನ್ನು ನೀವು ಹೊಂದಿರಬೇಕು (ಅದು ನಿಮ್ಮ ಬಳಿ ಇದ್ದಾರೆ).

•  ಲಿಂಗ ವಿವರಗಳನ್ನು ಬದಲಾಯಿಸುವುದು: ನಿಮ್ಮ ಲಿಂಗ ವಿವರವನ್ನು ನವೀಕರಿಸಲು ನೀವು ಬಯಸಿದರೆ, “ಪುರುಷ”, “ಸ್ತ್ರೀ” ಮತ್ತು “ತೃತೀಯಲಿಂಗಿ” ಎಂಬ ಮೂರು ಆಯ್ಕೆಗಳಿಂದ ನೀವು ಗುರುತಿಸಬಹುದು. ಈ ಆಯ್ಕೆಯು ಭಾರತದಾದ್ಯಂತ ಎಲ್ಲಾ ದಾಖಲಾತಿ ಕೇಂದ್ರಗಳಲ್ಲಿ ಮತ್ತು ಪ್ರತಿ ಆಧಾರ್ ಅಪ್‌ಡೇಟ್  ಆರ್ಜಿಯಲ್ಲಿಯೂ ನಿಮಗೆ ಲಭ್ಯವಿದೆ.

ದಾಖಲಾತಿ ಕೇಂದ್ರದಲ್ಲಿರುವ ಅಧಿಕಾರಿಗಳು ನಿಮ್ಮನ್ನು ಲಿಂಗ ಗುರುತಿನ ಪುರಾವೆ ಅಥವಾ ಹೆಸರು ಬದಲಾವಣೆಯ ಪುರಾವೆಗಳನ್ನು ಕೇಳಬಹುದು, ಆದರೆ ಅವರು ನಿಮ್ಮನ್ನು ಯಾವುದೇ ರೀತಿಯ ಕಿರುಕುಳ ಅಥವಾ ಲಿಂಗ ಪರಿಶೀಲನೆಗೆ ಸ್ಥಳದಲ್ಲೇ ಒಳಪಡಿಸಲು ಸಾಧ್ಯವಿಲ್ಲ. ನೀವು ಯಾವುದೇ ಕಿರುಕುಳ ಅಥವಾ ತಾರತಮ್ಯವನ್ನು ಎದುರಿಸಿದರೆ, ನೀವು ಆಧಾರ್ ಅಧಿಕಾರಿಗಳಿಗೆ ದೂರು ಸಲ್ಲಿಸಬೇಕು. ಈ ಅಧಿಕಾರಿಗಳು ಸ್ಪಂದಿಸದಿದ್ದರೆ ನೀವು ಪ್ರಕ್ರಿಯೆಯನ್ನು ಸುಲಭಗೊಳಿಸಲು ವಕೀಲರು, NGO ಗಳು ಇತ್ಯಾದಿಗಳ ಸಹಾಯವನ್ನು ಪಡೆಯಬಹುದು ಮತ್ತು ಪೊಲೀಸರಿಗೆ ದೂರು ನೀಡುವ ಮೂಲಕ ಕ್ರಮ ಕೈಗೊಳ್ಳಬಹುದು.

1.ವಿಭಾಗ 2(a), ಆಧಾರ್ (ಹಣಕಾಸು ಮತ್ತು ಇತರ ಉದ್ದೇಶಿತ ವಿತರಣೆ. ಸಬ್ಸಿಡಿಗಳು, ಪ್ರಯೋಜನಗಳು ಮತ್ತು ಸೇವೆಗಳು) ಕಾಯಿದೆ, 2016. [↩]

2. ವಿಭಾಗ 4(1), ಆಧಾರ್ (ಹಣಕಾಸು ಮತ್ತು ಇತರ ಉದ್ದೇಶಿತ ವಿತರಣೆ. ಸಬ್ಸಿಡಿಗಳು, ಪ್ರಯೋಜನಗಳು ಮತ್ತು ಸೇವೆಗಳು) ಕಾಯಿದೆ, 2016. [↩]

3.ಸೆಕ್ಷನ್ 3(3), ಆಧಾರ್ (ಹಣಕಾಸು ಮತ್ತು ಇತರ ಉದ್ದೇಶಿತ ವಿತರಣೆ. ಸಬ್ಸಿಡಿಗಳು, ಪ್ರಯೋಜನಗಳು ಮತ್ತು ಸೇವೆಗಳು) ಕಾಯಿದೆ, 2016. [↩]