ಸಂವಿಧಾನ್ ಫೆಲೋಶಿಪ್

‘ನ್ಯಾಯ ಜೊತೆಗೆ ಕೆಲಸ ಮಾಡಿರುವ  ಪ್ರತಿಯೊಂದು ಸರ್ಕಾರೇತರ ಸಂಸ್ಥೆಗಳು ಹಾಗೂ ಇತರೆ ಪಾಲುದಾರ ಸಂಸ್ಥೆಗಳು ತಮ್ಮ ಫಲಾನುಭವಿಗಳಿಗೆ ಕಾನೂನು ವ್ಯವಸ್ಥೆಯನ್ನು ನ್ಯಾವಿಗೇಟ್ ಮಾಡಲು  ಸ್ಥಳೀಯ ಕಾನೂನು ತಜ್ಞರ  ಸಹಾಯದ ಅಗಾಧ ಅಗತ್ಯವನ್ನು ಒತ್ತಿಹೇಳಿವೆ . ಈ ಅಂತರವನ್ನು ತುಂಬಲು, ಸಂವಿಧಾನ್ ಫೆಲೋಶಿಪ್ ಅನ್ನು ‘ನ್ಯಾಯ  ಪಡೆಯುವ   ಕಾರ್ಯವಿಧಾನಗಳನ್ನು ಸುಲಭಗೊಳಿಸುವುದು’ ಎಂಬ ವಿಷಯದ ಸುತ್ತ ಪರಿಕಲ್ಪನೆ ಮಾಡಲಾಗಿದೆ. ಫೆಲೋಶಿಪ್ ತಳಮಟ್ಟದ ಸಂಸ್ಥೆಗಳೊಂದಿಗೆ ಕೈ ಜೋಡಿಸಿ , ಅವರ ಫಲಾನುಭವಿಗಳಿಗೆ ಸಂದರ್ಭೋಚಿತ ಕಾನೂನು ಮಾಹಿತಿಯನ್ನು ನೀಡಿ , ಅಗತ್ಯ ಇರುವ ಪ್ರಕರಣಗಳಿಗೆ ಕಾನೂನು ನೆರವು ನೀಡಲು ಪ್ರಯತ್ನಿಸುತ್ತದೆ.

ಸಂವಿಧಾನ್ ಫೆಲೋಶಿಪ್ ಒಂದು ವರ್ಷದ ಪೇಯ್ಡ್ ಫೆಲೋಶಿಪ್ ಆಗಿದ್ದು, ಜನರು ನ್ಯಾಯವನ್ನು ಪಡೆಯುವಲ್ಲಿ ಅಂತರವನ್ನು ಕಡಿಮೆ ಮಾಡಲು ಕರ್ನಾಟಕದ ಎಂಟು ತಳಮಟ್ಟದ ವಕೀಲರನ್ನು ಬೆಂಬಲಿಸುತ್ತದೆ.

ಆಯ್ಕೆಯಾದ ವಕೀಲರು (ಫೆಲೋಗಳು) ಲಿಟಿಗೇಷನ್ ಮತ್ತು ಕಾನೂನು ಅರಿವು ಕೆಲಸದಲ್ಲಿ ಆಸಕ್ತಿಯನ್ನು ಪ್ರದರ್ಶಿಸಿದ ಜಿಲ್ಲಾ ಮಟ್ಟದ ವಕೀಲರಾಗಿರುತ್ತಾರೆ. ಅವರು ಫಲಾನುಭವಿಗಳಿಗೆ ಕಾರ್ಯಗತಗೊಳಿಸಬಹುದಾದ ಕಾನೂನು ಮಾಹಿತಿಯನ್ನು ರಚಿಸಲು ಮತ್ತು ಪ್ರಸಾರ ಮಾಡಲು ನ್ಯಾಯ ತಂಡ ಮತ್ತು ನ್ಯಾಯದ ಪಾಲುದಾರ ಸಮುದಾಯ-ಆಧಾರಿತ ಸಂಸ್ಥೆಗಳೊಂದಿಗೆ ಕೆಲಸ ಮಾಡುತ್ತಾರೆ. ಇವರು ವಿವಿಧ ಭಾರತೀಯ ಕಾನೂನುಗಳು ಮತ್ತು ಸರ್ಕಾರದ ಯೋಜನೆಗಳ ಅಡಿಯಲ್ಲಿ ಖಾತರಿಪಡಿಸುವ ಹಕ್ಕುಗಳ ಬಗ್ಗೆ ಅವರಿಗೆ ಅರಿವು ಮೂಡಿಸುತ್ತಾರೆ.

ಆಯ್ಕೆಯಾದ ವಕೀಲರು (ಫೆಲೋಗಳು) ಫಲಾನುಭವಿಗಳು ಕೇಳುವ ಎಲ್ಲಾ ಕಾನೂನು ಪ್ರಶ್ನೆಗಳಿಗೆ ಉತ್ತರಿಸುತ್ತಾರೆ ಮತ್ತು ಅವರ ಹಕ್ಕುಗಳನ್ನು ಜಾರಿಗೊಳಿಸುವಾಗ ಕಾನೂನು ವ್ಯವಸ್ಥೆಯನ್ನು ನ್ಯಾವಿಗೇಟ್ ಮಾಡಲು ಅವರಿಗೆ ಸಹಾಯ ಮಾಡುತ್ತಾರೆ. 

ಆಯ್ಕೆಯಾದ ವಕೀಲರು (ಫೆಲೋಗಳು ) ಮಹಿಳೆಯರು ಮತ್ತು ಮಕ್ಕಳು ಪರವಾಗಿ ಕಾನೂನು ಪ್ರಕರಣಗಳನ್ನು ತೆಗೆದುಕೊಂಡು ಮತ್ತು ಕರ್ನಾಟಕದಲ್ಲಿ ಸೂಕ್ತ ಕಾನೂನು/ನ್ಯಾಯ ವೇದಿಕೆಗಳಲ್ಲಿ ಅವರನ್ನು ಪ್ರತಿನಿಧಿಸುತ್ತಾರೆ.

ಅಂತಿಮವಾಗಿ, ಅವರು ಸಾಮೂಹಿಕ ಕ್ರಮಕ್ಕಾಗಿ ಪ್ರಕರಣಗಳನ್ನು ಗುರುತಿಸಿ ಮುನ್ನಡೆಸಲು ನ್ಯಾಯ ತಂಡದೊಂದಿಗೆ ಕೆಲಸ ಮಾಡುತ್ತಾರೆ.

ಫೆಲೋಶಿಪ್‌ನ ವಿವರಗಳು

ಈ ಫೆಲೋಶಿಪ್ ಪ್ರಾಥಮಿಕವಾಗಿ ಫೀಲ್ಡ್-ಆಧಾರಿತವಾಗಿರುತ್ತದೆ. ಆಯ್ಕೆಯಾದ ವಕೀಲರು (ಫೆಲೋಗಳು) ಕರ್ನಾಟಕದಲ್ಲಿ ನೆಲೆಸಿರಬೇಕು ಅಥವಾ ಅಲ್ಲಿಗೆ ಸ್ಥಳಾಂತರಿಸಲು ಸಿದ್ಧರಾಗಿರಬೇಕು. ಫೆಲೋಶಿಪ್‌ನ ಅವಧಿಯು 12 ತಿಂಗಳುಗಳಾಗಿರುತ್ತದೆ. ಫೆಲೋಗಳ ಕಾರ್ಯಕ್ಷಮತೆಯ ಆಧಾರದ ಮೇಲೆ ಫೆಲೋಶಿಪ್ ಅನ್ನು ಇನ್ನೊಂದು ವರ್ಷಕ್ಕೆ ವಿಸ್ತರಿಸಬಹುದು. 

ಸಂವಿಧಾನ್ ಫೆಲೋ ಎಂದರೆ:

1. ಕನ್ನಡದಲ್ಲಿ ಸರಾಗವಾಗಿ ಮಾತನಾಡುವ, ತಳಮಟ್ಟದಲ್ಲಿ ಕೆಲಸ ಮಾಡುವ, ಅತ್ಯಂತ ನುರಿತ ವಕೀಲರಾಗಿರಬೇಕು
2. ಲಿಟಿಗೇಷನ್ ಅನುಭವವನ್ನು ಹೊಂದಿರಬೇಕು
3. ಮಹಿಳೆಯರು ಮತ್ತು ಮಕ್ಕಳಿಗೆ ಸಂಬಂಧಿಸಿದ ಪ್ರಕರಣಗಳನ್ನು ತೆಗೆದುಕೊಂಡು ಸೂಕ್ತ ಕಾನೂನು ವೇದಿಕೆಗಳಲ್ಲಿ ಅವರನ್ನು ಪ್ರತಿನಿಧಿಸಲು ಸಿದ್ಧರಿರಬೇಕು
4. ಕಾರ್ಮಿಕ ಹಕ್ಕುಗಳು, ಮಹಿಳಾ ಹಕ್ಕುಗಳು, ಮಕ್ಕಳ ಹಕ್ಕುಗಳು, ಅಂಗವೈಕಲ್ಯ ಹಕ್ಕುಗಳು, ಅಥವಾ ಹಿಂದುಳಿದ ಸಮುದಾಯಗಳ ಹಕ್ಕುಗಳಲ್ಲಿ ವಿಷಯ ಪರಿಣತಿಯನ್ನು ಹೊಂದಿರಬೇಕು
5. ಸಾಮಾಜಿಕ ಯೋಜನೆಗಳು ಮತ್ತು ಹಕ್ಕುಗಳ ಬಗ್ಗೆ ತಿಳುವಳಿಕೆಯನ್ನು ಹೊಂದಿರಬೇಕು
6. ಕುಂದುಕೊರತೆ ಪರಿಹಾರದಲ್ಲಿ ಕೆಲಸ ಮಾಡಿರಬೇಕು ಮತ್ತು ಪ್ರಕ್ರಿಯೆಗಳಲನ್ನು ಅರ್ಥಮಾಡಿಕೊಂಡಿರಬೇಕು
7. ಕಾನೂನು ಅರಿವು ಕೆಲಸದಲ್ಲಿ ಆಸಕ್ತಿಯನ್ನು ಪ್ರದರ್ಶಿಸಿರಬೇಕು
8. ಗುರುತಿಸಲಾದ ಸಮಸ್ಯೆಗಳ ಮೇಲೆ ಸಮುದಾಯ ಕೌಶಲ್ಯಗಳನ್ನು ನಿರ್ಮಿಸಲು ಸಿದ್ಧರಿರಬೇಕು

ಪ್ರಾಥಮಿಕ ಕಾರ್ಯಗಳು

1. ಕರ್ನಾಟಕ ರಾಜ್ಯ ಕಾನೂನು ಸೇವೆಗಳ ಪ್ರಾಧಿಕಾರ, ಕರ್ನಾಟಕದ ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ ಮತ್ತು ಇನ್ನಿತರೆ ಪಾಲುದಾರ ಸಂಸ್ಥೆಗಳ ಸಹಯೋಗದಲ್ಲಿ ಕಾನೂನು ಅರಿವು ಕಾರ್ಯಕ್ರಮಗಳನ್ನು ನಡೆಸಿ ಸಮುದಾಯಗಳು ಅವರ ಹಕ್ಕು ಮತ್ತು ಅರ್ಹತೆಗಳನ್ನು ಅರ್ಥಮಾಡಿಕೊಳ್ಳುವಂತೆ ಮಾಡುವುದು 
2. ನ್ಯಾಯ ಸಹಯೋಗದಲ್ಲಿ ತಳಮಟ್ಟದ ಸಂಸ್ಥೆಗಳ ಫಲಾನುಭವಿಗಳಿಂದ ಪಡೆದ ಪ್ರಶ್ನೆಗಳಿಗೆ ಉತ್ತರಿಸುವುದು
3. ಮಹಿಳೆಯರು ಮತ್ತು ಮಕ್ಕಳಿಗೆ ಸಂಬಂಧಿಸಿದ ಪ್ರಕರಣಗಳನ್ನು ( ತಳಮಟ್ಟದ ಸಂಸ್ಥೆಗಳು ಅನುಮೋದಿಸುವ ಅಥವಾ ಅರಿವು ಕಾರ್ಯಕ್ರಮಗಳಲ್ಲಿ ಎದುರಾಗುವ ಪ್ರಕರಣಗಳು) ತೆಗೆದುಕೊಂಡು ಸೂಕ್ತ ಕಾನೂನು ವೇದಿಕೆಗಳಲ್ಲಿ ಅವರನ್ನು ಪ್ರತಿನಿಧಿಸುವುದು
4. ಸಾಮೂಹಿಕ ಕ್ರಮಕ್ಕಾಗಿ ಪ್ರಕರಣಗಳನ್ನು ಗುರುತಿಸಿ , ಅದನ್ನು ಮುನ್ನಡೆಸಲು ನ್ಯಾಯ ತಂಡದೊಂದಿಗೆ ಕೆಲಸ ಮಾಡುವುದು
5. ಕಾನೂನು ಸಮಸ್ಯೆಗಳ ಕುರಿತು ಪಾಲುದಾರ ಸಂಸ್ಥೆಗಳು, ಸ್ವಯಂಸೇವಕರು ಮತ್ತು ಸಮುದಾಯ ವರದಿಗಾರರಿಗೆ ಸಾಮರ್ಥ್ಯ ನಿರ್ಮಾಣವನ್ನು ಒದಗಿಸುವುದು

ದ್ವಿತೀಯ ಕಾರ್ಯಗಳು

1. ಕೆಲಸ ಮಾಡುವ ಸಮುದಾಯಗಳ ಅಗತ್ಯತೆಗಳ ಆಧಾರದ ಮೇಲೆ ಪ್ರಾದೇಶಿಕ ಭಾಷೆಯಲ್ಲಿ ಸಂದರ್ಭೋಚಿತ, ಕಾನೂನು ಅರಿವು ವಿಷಯವನ್ನು (ಲಿಖಿತ ಮತ್ತು/ಅಥವಾ ಆಡಿಯೋ-ವಿಡಿಯೋ  ) ರಚಿಸಲು ಸಹಾಯ ಮಾಡುವುದು
2. ಸ್ವಯಂಸೇವಕರು ಮತ್ತು ಸಮುದಾಯದ ಸದಸ್ಯರಿಗೆ  ಸಾರ್ವಜನಿಕ ವಿಚಾರಣೆಗಳಲ್ಲಿ ತಮ್ಮ ಸಮಸ್ಯೆಗಳನ್ನು ಪ್ರತಿನಿಧಿಸಲು ಸಹಾಯ ಮಾಡುವುದು
3. ದಿನನಿತ್ಯದ ಅಭ್ಯಾಸದಲ್ಲಿ ಸಂವಿಧಾನದ ಪ್ರಸ್ತುತತೆಯ ಕುರಿತು ಜಿಲ್ಲೆಯ ವಕೀಲರ ಪೀರ್ ಗ್ರೂಪ್‌ಗಾಗಿ ಮಾಡ್ಯೂಲ್‌ಗಳನ್ನು ಕಂಪೈಲ್ ಮಾಡುವುದು

1. ಮಾಸಿಕ  ಸ್ಟೈಫಂಡ್ 
2. ಫೆಲೋಶಿಪ್ ಸಮಯದಲ್ಲಿ ತೆಗೆದುಕೊಂಡ ಮಹಿಳೆಯರು ಮತ್ತು ಮಕ್ಕಳಿಗೆ ಸಂಬಂಧಿಸಿದ ಪ್ರಕರಣಗಳ ವೆಚ್ಚವನ್ನು ಭರಿಸಲಾಗುವುದು   
3. ಕಾನೂನು ವಿಷಯ ರಚನೆ, ಮಾಧ್ಯಮ ತರಬೇತಿ ಮತ್ತು ಫೆಲೋಶಿಪ್‌ಗೆ ಅಗತ್ಯವಿರುವ ಯಾವುದೇ ಇತರ ಕೌಶಲ್ಯಗಳಲ್ಲಿ ಕೌಶಲ್ಯ ಅಭಿವೃದ್ಧಿ ತರಬೇತಿ.
4. ನ್ಯಾಯ ಮತ್ತು ವಿಧಿ ಅವರ ಪುಸ್ತಕಗಳ ಕ್ಯಾಟಲಾಗ್‌ಗೆ ಪ್ರವೇಶ ಮತ್ತು ಮಾಡುವ  ಕೆಲಸದಲ್ಲಿ ಸಹಾಯವಾಗಲು  ಬೇಕಾಗುವ   ವಿವಿಧ ಜರ್ನಲ್‌ಗಳು ಮತ್ತು ಪ್ರಕಟಣೆಗಳಿಗೆ ಇ-ಚಂದಾದಾರಿಕೆಗಳು.
5. ಆಯ್ಕೆಯಾದ ವಕೀಲರು (ಫೆಲೋಗಳು) ತಮ್ಮ ಕೆಲಸದಲ್ಲಿ ಸಹಾಯ ಮಾಡಲು ನ್ಯಾಯ ಅವರ ಪುಸ್ತಕಗಳ ಕ್ಯಾಟಲಾಗ್ ಮತ್ತು ವಿವಿಧ ಜರ್ನಲ್‌ಗಳು ಮತ್ತು ಪ್ರಕಟಣೆಗಳನ್ನು ಬಳಸುವ ಅವಕಾಶ 
6. ನ್ಯಾಯ ಅವರ ನೆಟ್‌ವರ್ಕ್‌ನ ವಕೀಲರು, ತಳಮಟ್ಟದ ಸಂಸ್ಥೆಗಳು, CSO ಗಳು ಮತ್ತು ಮಾಧ್ಯಮದ ವ್ಯಕ್ತಿಗಳ ಜೊತೆ ಸಂಪರ್ಕಿಸುವ ಅವಕಾಶ